Hai cercato la parola
bilingue monolingue
Hai cercato la parola
vetro
Torna indietro

bilingue

vetro
  • 1

    s.m. veri Copia

    [AU] (materiâl dûr fat fondint savalon cun carbonâts e ossits, par solit trasparent e fragjil, doprât une vore par robis di ûs comun)
    un bicchiere di vetro = une tace di veri
  • 2

    s.m. veri Copia

    [AU] (robe fate cun chel materiâl)
    una collezione di vetri di Murano = une racuelte di veris di Muran
  • 3

    s.m. veri, lastre, lastron Copia

    [AU] (lastre di chel materiâl doprade par barcons, puartis e sim.)
    il vetro della finestra = il veri dal barcon
    porta a vetri = puarte a veris

    s.m. veri Copia

    (il barcon stes)
    chiudi quei vetri prima che cominci a piovere = siere chei veris prime che al tachi a plovi

    s.m. veri Copia

    (part di veri di cualchi altri ogjet)
    il vetro dell'orologio = il veri dal orloi
  • 4

    s.m. veri Copia

    [AU] (toc che al taie di chel materiâl)
    mi sono tagliato con un vetro = mi soi taiât cuntun veri

locuzioni

    carta vetro
  • [CO] (vedi carta vetrata)
    • casa di vetro
  • cjase di veriCopia
    [CO] (istituzion o situazion trasparente che no à nuie ce platâ)
    • di vetro
  • di veri, di cristalCopia
    [BU] (une vore fragjil, une vore debil)
    • doppio vetro
  • barcon dopli, fignestre dople, lastris doplis, veris doplisCopia
    [CO] (il barcon cun cheste struture di dôs lastris)
  • lastris doplis, veris doplisCopia
    [CO] (spec. tal pl., dôs lastris di veri par isolâ dal rumôr o par evitâ la dispersion di calôr)
    avere in casa i doppi vetri = vê in cjase lis lastris doplis
    • fibra di vetro
  • fibre di veriCopia
    [TS] (fibre tant sutile che si prodûs tirant il veri fondût, che si dopre di rinfuarç di tantis struturis, massime di plastiche)
    • in una campana di vetro
    lana di vetro
  • lane di veriCopia
    [TS] (fibre che si oten par fusion e trafiladure dal veri, fate di fîi sutîi sutîi, che si dopre tes fibris tessilis antifûc, tai isolaments e par rinfuarç di laminâts plastics e prodots di cjarte)
    • palazzo di vetro
  • Palaç di veriCopia
    [CO] (sede de ONU a New York)
    • sotto una campana di vetro
  • tant che un dêt madûr, sot une cjampane di veri, sot un veri, intune cjampane di veri, intal bombâsCopia
    [CO] (cun tancj rivuarts, ancje masse)
    hanno sempre tenuto il figlio sotto una campana di vetro = a àn simpri tignût chel fi tant che un dêt madûr
    • vetro bianco
  • [CO] (vedi vetro comune)
    • vetro blindato
  • veri blindâtCopia
    [CO] (lastre di veri fate in mût di resisti ai colps, ai sburts, ai sclops e sim.)
    • vetro cattedrale
  • veri catedrâlCopia
    [CO], [TS] (cualitât di lastre di veri no pulît e stralusint)
  • veri catedrâlCopia
    [CO] (lastron decorât, tipic spec. di palaçs e abitazions di epochis antighis)
    • vetro colorato
  • veri colorâtCopia
    [CO] (veri fat come il veri comun, ma doprant ossits che lu colorin)
    • vetro comune
  • veri blanc, veri comun, veri normâlCopia
    [CO] (veri doprât pal ûs ordenari, no colorât)
    • vetro corazzato
  • [CO] (vedi vetro blindato)
    • vetro di quarzo
  • veri di cuarçCopia
    [TS] (veri gjavât di siliç pure, cun grande resistivitât eletriche, resistence fuarte ae azion chimiche, coeficient di dilatazion bas, che si dopre in aplicazions chimichis e otichis particolârs)
    • vetro di sicurezza
  • [CO] (vedi vetro infrangibile)
    • vetro infrangibile
  • veri di sigurece, veri infrangjibilCopia
    [BU], [CO] (veri une vore resistent ai colps e ai mudaments di temperadure)
    • vetro metallico
  • veri metalicCopia
    [TS] (leghe metaliche che e à une struture vetrose par vie di un disfredament de sô fusion a fuarte velocitât, cun proprietâts eletrichis, magnetichis e di resistence particolârs)
    • vetro orientabile
  • [TS] (vedi deflettore)
    • vetro smerigliato
  • veri sagrinâtCopia
    [CO], [TS] (veri no dut trasparent doprât par lampadinis, puartis, barcons e sim.)
    • vetro soffiato
  • veri soflâtCopia
    [CO] (veri lavorât cul sisteme de sofladure)
    • vetro spia
  • spie, veri di spieCopia
    [TS] (oblò di serbatoris, autoclavis e altri contignidôrs par podê viodi dentri)
    • vetro tessile
  • veri tessilCopia
    [TS] (veri ridusût in fîi sutîi, che si dopre massime tant che materiâl di isolament)

monolingue

veri s.m.
(ve-ri)
Materiâl dûr fat fondint savalon cun carbonâts e ossits, par solit trasparent e fragjil, doprât une vore par robis di ûs comun
esempi
"a àn tirât vie une lastre di veri dal barcon"
da "Neapolis" di Checo Tam
"il veri, come che o vin imparât al cjapitul 10, al è un solit amorf"
da "Kebar krossè" di Stiefin Morat
Vedi anche: vieri
veri s.m.
(ve-ri)
Robe fate di chel materiâl, soredut recipient di chel materiâl, ancje in riferiment al so contignût
esempi
"la frute si jere imboreçade e e meteve lis manutis sul veri par cjapâlu e il pes, spaurît, al cirive di scjampâ e al bateve il music tal dûr"
da "La tiere di Lansing" di Maria Forte
"te lôr glesie no si cjate nancje tant di passi une surîs; dome cuatri cjandelîrs, cualchi veri di rosis e cualchi crist"
da "Lis predicjis dal muini" di Josef Marchet
"il talon si inçopedà suntune tace par tiere. Il veri al rodolà vie"
da "La salamandrie tal fûc" di Carlo Tolazzi
"sot dal ultin cop dal colm, a inmurarin un veri di aghe sante cun ramutis di ulîf infûr"
da "La aghe da pît la cleve" di Dino Virgili
veri s.m.
(ve-ri)
Lastre di chel materiâl doprade par barcons, puartis, cuadris e sim.
sinonimi
lastre, lastron
esempi
"daûr dal veri de vetrine al jere plen di fotografiis"
da "Prime di sere" di Carlo Sgorlon
"come fûr de realtât, al cjalave il lagrimâ de ploie e lis cumieris stuartis des gotis sul veri"
da "Sul agâr" di Pieri Menis
"o sai che ti plasin lis oris dolcis e celestis dal amont: [...] cu la citât insom che si impie di sflandôrs ros ribatûts tai veris"
da "Letare di Avost" di Dino Virgili
veri s.m.
(ve-ri)
Toc rot di chel materiâl
esempi
"ocjo che e je colade une butilie e par tiere al è plen di veris"
"si sentavin ator dal desc a rassâ cuntun veri un ritai di corean"
da "La aghe da pît la cleve" di Dino Virgili
veri s.m.
(ve-ri)
In metaforis o comparazions, par dî alc che al à une carateristiche tipiche di chel materiâl, tant che il jessi slis, trasparent, fragjil (fig.)
esempi
"mi visi a Nadâl, in chel an de glace. Al jere dut un veri fûr de puarte grande"
da "Meni Elar" di Riedo Pup
"une man gropolose si jevà viers l'amont distudât e si intaià sul veri dal cîl"
da "La aghe da pît la cleve" di Dino Virgili
"la zornade e jere clare come un veri"
da "Il dolfin" di Carlo Sgorlon
"chel strenzimi disperât al fo la rivelazion definitive de sô debilece, de sô anime di veri, che si cricave par nuie"
da "Il dolfin" di Carlo Sgorlon
proverbi
"ancje i barcons a àn i veris"
"cui che al à il cjâf di veri che si vuardi des clapadis"
"cui che al è di veri che nol ledi fra lis clapadis"
"soreli di veri e aiar di fressure a menin l'om in sepulture"
Torna in Cima
Torna in Cima