Tu âs cirût la peraule
bilengâl monolengâl
Tu âs cirût la peraule
vibrare
torne indaûr

bilengâl

vibrare v.tr., v.intr.
  • 1

    v.tr. trai Copie

    [AD] (butâ, lançâ)
    vibrare una freccia = trai une frece

    v.tr. slungjâ, petâ Copie

    (dâ cun fuarce)
    vibrare un colpo di spada = slungjâ un colp di spade
  • 2

    v.tr. bramâ Copie

    [CO] (dî cun fuarce)
    vibrare maledizioni = bramâ maledizions

    v.tr. trai Copie

    (indreçâ)
    vibrare uno sguardo di sfida = trai une voglade di sfide
  • 3

    v.tr. vibrâ Copie

    [TS] edil. (fâ la vibrazion dal beton, par che si senti ben)
  • 4

    v.intr. tremâ, vibrâ Copie

    [AD] (produsi moviments piçui e svelts)
    la lavatrice vibra = la machine di lavâ e vibre
  • 5

    v.intr. rivocâ Copie

    [AD] (sunâ)
    un urlo vibrò nella casa = un berli al rivocà te cjase
  • 6

    v.tr. smalitâ, tremâ, bulî, sbuliâ Copie

    [AD] (dimostrâ malpazience o emozion di spiete fuarte cul no rivâ a stâ fer)
    la città vibrava nell'attesa della grande festa = la citât e sbuliave spietant la grande fieste
    vibrava di rabbia = al smalitave oppure al bulive oppure al tremave di rabie

monolengâl

petâ v.tr.
(pe-tâ)
Cun sens une vore larc, fâ une azion che e compuarte un impuls, un efiet, un impat, une esplosion, une emission o sim.
esemplis
"Min al petà un salt jù dal jet e jù di corse pes scjalis"
gjavât fûr di "Aiar de Basse" di Alviero Negro
"di frut, a pît, cuant che al rivave alì, al petave simpri une scorsete par rivâ svelt là di là"
gjavât fûr di "La tiere di Lansing" di Maria Forte
"ca un pôc un scorpion / mi à petât un becon"
gjavât fûr di "Raspadicis pal Strolic furlan del an 1859" di Pieri Çorut
"al petà un berli, e al colà jù devant daûr"
gjavât fûr di "Il matescul di Cjabie" di Luigi Gortani
"si divertivin a petâ une ridade cui amîs"
gjavât fûr di "La Madalene" di Zuan Lurinçon
petâ v.intr.
(pe-tâ)
Lâ a finî, soredut cun ciertis consecuencis (ancje fig.)
sinonims
dâ, bati, pocâ, çocâ, lâ, finî
esemplis
"un aiar trement che al jentrave par une lastre rote e che mi petave juste intune orele"
gjavât fûr di "A Aquilee" di Pieri Somede dai Marcs
"il soreli si sbassave daûr lis polessis altis là vie e al petave ca a stris su lis viis de jarbe seade"
gjavât fûr di "La massarie" di Dino Virgili
"a bevin masse e il vin ur pete tal cjâf e ur fâs straviodi"
gjavât fûr di "La cjase" di Alviero Negro
petâ v.intr.
(pe-tâ)
Dâ pachis
sinonims
dâ, dâ jù, legnâ, pestâ, pacâ
esemplis
"«Alore tu sarâs tu a cjapâlis.» «Mê mari no mi pete mai [...]»"
gjavât fûr di "Il dolfin" di Carlo Sgorlon
"cuant che lu coionavin o lu tiravin a ciment, ur coreve daûr e ur petave di lassâju frêts"
gjavât fûr di "Pre Pitin" di Antoni Beline
petâ v.intr.
(pe-tâ)
Someâ just, bon, convenient, comut e v.i.
sinonims
pocâ, comodâ, lâ, smecâ
esemplis
"a scrivin ancjemò in mil varietâts di furlan e in antantis grafiis diferentis, come che ur pete"
gjavât fûr di "Memoriis di politiche linguistiche" di Adrian Cescje
detulis
"a chel de barete nissun no je pete"
"cuant che la joibe il soreli al va tal sac, no ven domenie che nol peti un vuac"
"il mont al è fat a scarpete: se al po te pete"
torne sù
torne sù