Hai cercato la parola
bilingue monolingue
Hai cercato la parola
vivere
Torna indietro

bilingue

vivere , ,
  • 1

    s.m. vivi Copia

    [FO] (dome sing., esistence, vite)
    il vivere in montagna gli dà contentezza = il vivi in mont i da contentece

    v.tr. menâ, vivi Copia

    [FO] (con complement obiet interni)
    vivere una vita tranquilla = vivi une vite cuiete
  • 1a

    v.intr. vivi Copia

    (in espressions che par negazion a pandin la muart)
    cessare di vivere = finî di vivi

    v.intr. vivi Copia

    (jessi presint o jessi a stâ intun ciert lûc)
    i canguri vivono in Australia = i cangûrs a vivin in Australie
    il lupo non vive più in Friuli = il lôf nol vîf plui in Friûl
    vivere in città = vivi in citât
    vivere in montagna = vivi in mont

    v.intr. vivi Copia

    (cun riferiment temporâl)
    l'alga presente in questo fossile visse duecento milioni di anni fa = la alighe che e je in chest fossil e vivè dusinte milions di agns indaûr
    l'autore di quest'opera visse il secolo scorso = l'autôr di cheste opare al è vivût il secul stât

    v.intr. vivi Copia

    (cun riferiment ae durade de vite)
    il gatto è vissuto dodici anni = chel gjat al è vivût dodis agns

    v.intr. vivi Copia

    (cun riferiment a un mût di menâ la vite)
    vivere bene = vivi ben
    vivere da ricchi = vivi di siôrs
    vivere da solo = vivi bessôl
    vivere poveramente = vivi di puars

    v.intr. vivi Copia

    (cuntune definizion che e pant i mieçs par vivi)
    vivere di caccia e pesca = vivi di cjace e pescje
    vivere di commercio = vivi di cumierç
    vivere di inganni = vivi di ingjans
    vivere lavorando = vivi sui siei braçs

    v.intr. vivi Copia

    [FO] (jessi vîf, vê vite)
    certi batteri vivono solo poche ore = cierts bateris a vivin dome pocjis oris
    la luce permette alle piante di vivere = la lûs e permet aes plantis di vivi
    le tartarughe vivono a lungo = lis copassis a vivin une vore
  • 1b

    v.intr. vivi Copia

    [FO] (nudrî e passi lis bisugnis dal spirt)
    vivere d'amore = vivi di amôr
    vivere di passioni = vivi di passions

    v.intr. vivi Copia

    (vê une passion grande par alc)
    vivere di libri = vivi di libris
    vivere di sport = vivi di sport
  • 1c

    v.intr. vivi Copia

    [FO] (fâ di cdn. o di alc il centri de esistence)
    bisogna lavorare per vivere e non vivere per lavorare = bisugne lavorâ par vivi e no vivi par lavorâ
    vivere per il figlio = vivi par so fi
    vivere per l'insegnamento = vivi pal insegnament
    vivere per un ideale = vivi par un ideâl
  • 2

    s.m. vivi Copia

    [CO] (dome sing., ce che al covente par vivi)
    le necessità del vivere = lis dibisugnis dal vivi

    v.tr. passâ, vivi Copia

    [FO] (passâ)
    vivere una bella esperienza = vivi une biele esperience
    vivere una brutta esperienza = passâ un brut moment
    vivere una situazione dura = vivi une situazion dure

    v.intr. vivi Copia

    [FO] (jessi, stâ intun ciert mût)
    vivere contenti = vivi contents
  • 3

    v.intr. lâ indenant, lâ indevant Copia

    [FO] (vê il minim des cundizions materiâls o morâls par vê une vite degne)
    "Come va?" "Si vive" = "Cemût?" "Si va indenant"
    il lavoro ci permette appena di vivere = il lavôr mi fâs a pene lâ indenant
  • 3a

    v.tr. vivi Copia

    [FO] (sintî a fonts dentri tal spirt)
    vivere il Natale con il cuore di un bambino = vivi il Nadâl cul cûr di un frut

    v.tr. sintî Copia

    (di un atôr, jentrâ intun personaç)
    vivere la parte = sintî la part
  • 3b

    v.tr. vivi Copia

    [FO] (gjoldi in plen, cjapâ in mût inteligjent e personâl ogni pussibilitât)
    vivere le gioie della giovinezza = vivi lis gjondis de zovinece
  • 4

    v.intr. vivi Copia

    [FO] (compuartâsi daûr des regulis de vite di relazion, des convenzions e v.i.)
    è ora che tu impari a vivere = e je ore che tu imparis a vivi
    non preoccuparti per lui, sa come vivere = no stâ a pinsirâ par lui, al sa ben cemût vivi
  • 5

    v.intr. vivi Copia

    (gjoldi de vite)
    un giovane pieno di voglia di vivere = un zovin plen di voie di vivi oppure di morbin

    v.intr. vivi Copia

    [FO] (vê esperiencis di vite)
    negli ultimi anni ha vissuto intensamente = tai ultins agns al à vivût a plen oppure a plene vite
  • 6

    v.intr. vivi Copia

    [FO] (durâ tal timp)
    un mito che vive ancora oggi = un mît che al vîf ancjemò vuê

    v.intr. vivi Copia

    (esisti ancjemò idealmentri daspò de muart)
    vivere ancora nel ricordo degli amici = vivi ancjemò tal ricuart dai amîs
  • 7

    v.intr. bon Copia

    [TS] (metût in tierce persone sul ôr dal stampon, al significhe che e va anulade la corezion fate, e al reste il test di prin)

locuzioni

    guadagnarsi da vivere
  • cuistâsi il pan, vuadagnâsi il pan, vuadagnâsi il pagnut, cuistâsi il pagnut, cuistâsi la bocjade, cuistâ il panCopia
    [CO] (rivâ a vivi fasint lavôrs dûrs o di pôc)
    non è il più bel lavoro del mondo, ma bisogna guadagnarsi da vivere = nol è il plui biel mistîr dal mont, ma si à di cuistâsi la bocjade
    • lasciar vivere
  • lassâ viviCopia
    [CO] (no dâ problemis)
    non siamo amici ma ci lasciamo vivere = no sin amîs ma si lassìn vivi
  • lassâ viviCopia
    (jessi tolerant)
    per fortuna il direttore dei lavori è uno che lascia vivere = par fortune il diretôr dai lavôrs al è un che al lasse vivi
    • lasciarsi vivere
  • lassâsi viviCopia
    (sorevivi intun stât di apatie)
    dopo la malattia più che vivere si lascia vivere = daspò de malatie plui che vivi si lasse vivi
  • lassâsi viviCopia
    [CO], [TS] (lassâ che la vite e ledi pe sô strade, cence cirî di vê nuie di miôr)
    • non lasciar vivere
  • no lassâ vivi, no lassâ cjapâ flât, no lassâ respirâCopia
    [CO] (jentrâ te vite di chei altris fûr misure)
    mia madre non mi lascia vivere = mê mari no mi lasse vivi
    • non vivere di solo pane
  • no vivi dome di panCopia
    [CO] (par dî che in plui dai bens concrets i vuelin ancje chei spirituâi)
    un uomo non vive di solo pane = un om nol vîf dome di pan
    • quieto vivere
  • vivi a la beade, vivi cence fastidis, vivi cence cuistions, vivi cence lambics, vivi a la cuieteCopia
    [CO] (vite cence preocupazions, pinsîrs, ansiis e scuintris o forme di disinteressament dai problemis sociâi e politics)
    gli piace il quieto vivere = i plâs il vivi a la cuiete rifugiarsi nel quieto vivere = parâsi te vite cence cuistions
    • vivere a scrocco
  • [CO] (vedi vivere sulle spalle)
    • vivere a sé
  • vivi par so cont, vivi ritirâtCopia
    [CO] (vivi cun pôcs o nissun contat cun chei altris, evitâ la vite publiche)
    • vivere alla grande
  • vivi in pompa magna, vivi in grant, sflocjâle, sflocjâCopia
    [CO] (cence sparagn)
    visse alla grande tutta la vita = al sflocjà dute la vite
    • vivere alle spalle
  • vivi a mache, vivi su la scusse, vivi a scroc, vivi aes spalis, vivi suCopia
    [CO] (vivi sfrutant il lavôr di altris)
    vive alle spalle della società = al vîf su la societât oppure aes spalis de societât
    • vivere come marito e moglie
  • vivi a scarpin, vivi tant che om e femineCopia
    [CM] (vivi te stesse cjase cence sei sposâts)
    • vivere d'aria
  • vivi di nuie, vivi lizêr, jessi di pocje speseCopia
    [CO] (vê dibisugne di pôc e di nuie par vivi)
    • vivere di rendita
  • vivi di rendite, vivi dibantCopia
    [CO] (vivi cence lavorâ, gjoldint di capitâi o proprietâts)
    è così ricco che potrebbe vivere di rendita = al è cussì siôr che al podarès vivi di rendite
  • vêle par un bon maniCopia
    [CO] (gjoldi di une buine situazion che si è fate tai timps prime)
  • viviCopia
    (poiâsi su merits za cuistâts)
    quello scrittore ormai vive di rendita dal suo secondo libro = aromai chel scritôr al vîf dal so secont libri
    • vivere nel mondo della luna
    vivere nelle, tra le nuvole
  • vê il cjâf tal mont de lune, vivi tai nûi, vivi cul cjâf par aiar, vivi cul cjâf tai nûi, vivi cul cjâf tal sac, vivi tal mont de luneCopia
    [CO] (jessi svagât)
    è un buon ragazzo, ma vive proprio tra le nuvole = al è un bon fantat, ma al vîf propit tai nûi
    • vivere sulle spalle
  • vivi a mache su, vivi su la scusse di, vivi a scroc su, vivi su, vivi su lis spalis diCopia
    [CO] (fâsi mantignî di cdn.)
    vive sulle spalle dei genitori = al vîf a mache sui gjenitôrs oppure al vîf sui gjenitôrs

monolingue

passâ v.intr.
(pa-ssâ)
Lâ par un puest o traviers di un o plui elements cence fermâsi, o ancje in sens gjeneric o cuntune relazion spaziâl che no je traviers, ma dongje, parsore, in bande e v.i.
esempi
"e viôt e e sint a passâ par aiar i aeroplans. E sint a dî che a bombardin di sgrisulâsi"
da "Storie di Vera" di Ivano Urli
"Pieri al montà su di un bus che al passave par li"
da "Tal ospedâl" di Amedeo Giacomini
"a passavin autos che a menavin int in place, tai cafês, in glesie pe Messe"
da "Vivi a Codroip" di Agnul di Spere
passâ v.intr.
(pa-ssâ)
Lâ intun puest par pôc timp prime di tornâ a lâ vie
sinonimi
fâ un salt
esempi
"Mine, prin di lâ in glesie, e passave in bancje"
da "Il sium di Lissandri" di Franca Mainardis
""O ai viodude la femine dal Girlando: je passade in Preture par firmâ il ricognossiment dal so quondam""
da "Ah! la provincie" di Sandri Di Suald
passâ v.intr.
(pa-ssâ)
Lâ indenant rispiet a une dificoltât, un ostacul, un esam e v.i. (fig.)
esempi
"l'acuardi al jere che ducj i partîts a varessin presentât un sôl candidât comun, che al sarès automatichementri passât cul 100% dai vôts"
da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"Ricut al à dodis agns e nol è ancjemò passât di prime"
da "Lis predicjis dal muini" di Josef Marchet
passâ v.intr.
(pa-ssâ)
[TS] (zûcs) Intai zûcs di cjartis, fâ di mancul di zuiâ la sô man
passâ v.intr.
(pa-ssâ)
Mudâ posizion, lâ di un puest, une cundizion, une compagnie e v.i. a une altre (ancje fig.)
sinonimi
lâ
esempi
"[Di Cjaurià] di sostignidôr de Dc tai agns 80 al jere passât cul Pci"
da "Memoriis di politiche linguistiche" di Adrian Cescje
" i todescs, passâts di aleâts a nemîs, a copavin ducj chei che a cjatavin o ju depuartavin in Gjermanie"
da "Faliscjis" di Cristina Noacco
passâ v.intr.
(pa-ssâ)
Jessi considerât intune cierte maniere
esempi
"Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi"
da "I furlans e il mâr" di Riedo Pup
"in cierts moments, il vêr, si pues dîlu dome se al passe par matetât, tant di cjapâlu in ridi"
da "Cjase di Dalban" di Maria Forte
"o sin rivâts al pont che si passe par stupits o par mats o par bausârs se no si fasisi paiâ su la brucje un plasê, un servizi"
da "Lis predicjis dal muini" di Josef Marchet
passâ v.intr.
(pa-ssâ)
Mudâ di proprietât dilunc dal timp (ancje fig.)
esempi
"la filande di Çampâr [...] agns daspò e passà a Josef Zanon, che al veve vierte une seconde filande, e plui tart al fi so Antoni"
da "Liniis di storie sociâl e economiche dal Friûl 1500 – 1800" di Adrian Cescje
"«Tenle cont… [une monede antighe]» i veve dit. «Al è un ricuart di famee, al è passât di man in man cuissà di cetantis gjenerazions […]»"
da "Chei di Muraie" di Pieri Menis
passâ v.intr.
(pa-ssâ)
Di timp, no jessi plui tal presint
esempi
"a jerin passâts doi mês da la ultime volte che Nardon al veve fevelât cun Vigjute"
da "Nardon e Vigjute di Nani" di Pieri Somede dai Marcs
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
da "Meni Fari" di Luigi Gortani
passâ v.intr.
(pa-ssâ)
Cessâ di lâ indevant, di esisti
sinonimi
cessâ, finî, sparî, lâ vie
esempi
"mi jere passade la voie di zuiâ"
da "Il dolfin" di Carlo Sgorlon
"a Tunina a i era vignût un pô di matetât e che al coventava spetâ che a i fos passada"
da "Li Anzuliti" di Novella Cantarutti
"lu viodeve come vuarît di un mâl, la muse no plui ingropade, i voi une altre volte lusorôs, insome il piês al someave passât par simpri"
da "Par stradis lungjis" di Alan Brusini
passâ v.intr.
(pa-ssâ)
Murî
sinonimi
lâ, murî, spirâ
esempi
"la bisnone è passade in un suspîr"
da "La Ave" di Ercole Carletti
passâ v.intr.
(pa-ssâ)
Jessi sopuartât, perdonât
esempi
"[Nino, l'om di Vera] dopo zuiât si pierdeve vie cui amîs de scuadre tornant dongje a straoris. Passe une volte, passin dôs, la tierce Vera lu clame adoremus"
da "Veruska" di Ivano Urli
passâ v.tr.
(pa-ssâ)
Traviersâ, superâ, lassâ indaûr e v.i. (ancje fig.)
sinonimi
lassâ, lassâ indaûr, superâ, traviersâ
esempi
"a Chiasso no si viodè doganîrs, ni talians ni svuizars. Passât Chiasso, il tren aromai al coreve a lunc tal scûr"
da "In viaç di domenie" di Agnul di Spere
"[un forest par lâ di Udin in "Jugoslavie"] al passe la Tor, Remanzâs, la ferade e al rive a Cividât"
da "No impaçâsi" di Riedo Pup
"il Benevento al vinç e al passe l’Udin in classifiche"
da "Udinese – Benevento 0-2" di Marc Stolf
passâ v.tr.
(pa-ssâ)
Rivâ o jessi là di là, parsore, superiôr e v.i. (ancje fig.)
sinonimi
superâ
esempi
" i vâs a vignivin cuets intun ambient ridutôr (vâl a dî cun pôc ossigjen) a temperaduris che no passavin i 700 grâts"
da "La preistorie in Friûl" di Andrea Pessina, Gaetano Vinciguerra
"un “export” che al passe i sîscent milions di euros ad an"
da "Dal setôr dal len un dramatic chivalì" di Redazion il Diari
passâ v.tr.
(pa-ssâ)
Movi o fâ movi a traviers, dentri o intune altre relazion spaziâl
sinonimi
meti
esempi
"il presonîr al mangjave une volte in dì di un plat che nus passavin a traviers i gatars de puarte"
da "Storie di Min" di Ivano Urli
passâ v.tr.
(pa-ssâ)
Fâ lâ di une posizion, cundizion, funzion, di un sisteme e v.i. a di une altre o fâ rivâ a une cierte posizion, cundizion e v.i.
sinonimi
meti
esempi
"il plevan Vuarint [...] al vignì gjavât di Glemone e passât cjaluni a Cividât"
da "Gran Dio benedite l' Italia" di Riedo Pup
"il furlan al à une scriture convenzionâl [...] che le àn passade a leç politics di diviersis crodincis politichis"
da "Presentazion DOF piçul" di Zorç Cadorin
passâ v.tr.
(pa-ssâ)
Fâ vê
sinonimi
dâ
esempi
"i secjave che il predi nol lavoràs, e i rincresseve di passâi il cuartês"
da "I furlans e i predis" di Riedo Pup
"Vignesie e rispuindè che [...] al plui e varès lassât al patriarcje il guvier temporâl di Sant Vît e di Sant Denêl e i varès passâts, come indenitât, trê mil ducâts ad an"
da "Cuintristorie dal Friûl fin sot la Italie" di Josef Marchet
"une lenghe duncje no pues jessi considerade dome un imprest par passâ informazions"
da "Pseudopragmatisim linguistic" di Sandri Carrozzo
passâ v.tr.
(pa-ssâ)
Fâ fevelâ cun cdn., meti in comunicazion
esempi
"la sô assistente mi passe par telefon propit Sandra Pizzolitto Pupatello"
da "Interviste a Sandra Pizzolitto Pupatello" di Christian Romanin
passâ v.tr.
(pa-ssâ)
Rivâ a frontâ cun sucès une prove, une dificoltât, un ostacul e v.i. (fig.)
sinonimi
superâ
esempi
"par rivâi [aes gnovis leçs di tutele dal furlan e dal solven] si à vût di passâ cuntun sfuarç no di pôc ducj i pidiments fats indenant massime di cierts rapresentants politics e sindicâi"
da "Pai dirits linguistics in Friûl - Vignesie Julie 2008-2013" di Comitât 482
"passâ un esam di abilitazion par jentrâ intune tabele professionâl"
da "Memoriis di politiche linguistiche" di Adrian Cescje
passâ v.tr.
(pa-ssâ)
Stâ intune cierte maniere par une cierte dade di timp o intune cierte situazion
sinonimi
fâ, stâ, lâ
esempi
"al jere zovin, e al veve gust di passâ cualchi ore di libertât la sere"
da "Orazions" di Meni Ucel
"i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs"
da "I furlans e lis feriis" di Riedo Pup
passâ v.tr.
(pa-ssâ)
[CO] (gastr.) Fâ lâ par un tamês o tratâ cuntun imprest di cusine par fâ vê une consistence fine e vualive
esempi
"bulî lis patatis, passâlis e messedâ cun farine, ûfs e sâl"
da "Jerbis salvadiis inte cusine furlane" di Giorgio Pascoli
passâ v.tr.
(pa-ssâ)
[CO] (gastr.) Someti a un cualchi tratament che al compuarte une azion svelte, cun moviment e contat
esempi
"passâ la cjar in padiele"
"fâ a daduts un pet di poleç e passâju te farine"
da "Cusine etniche, parinte strete de cusine furlane" di Margherita Timeus
passâ v.tr.
(pa-ssâ)
Movi mantignint il contat
sinonimi
freâ, sfreâ, freolâ, sfreolâ
esempi
"cun man lizere, e scomençà a netâlu: i passave il peçotut su lis feridis"
da "Il muc" di Roberto Ongaro
passâ v.tr.
(pa-ssâ)
Someti a un cualchi tratament
esempi
"passâ un test cul coretôr"
passâ v.tr.
(pa-ssâ)
Someti ae atenzion par cjatâ ce che al interesse
sinonimi
cjalâ, spulzinâ, lei
esempi
"al passave cul dêt ogni non, par sigurâsi di no dismenteâ nuie"
da "Il Bide di Miot" di Maria Forte
"o vin provât a passâ cun calme dute la sfilze dai manifescj che a forin publicâts an par an, cun decrets e proviodiments dal guvier"
da "Cuintristorie dal Friûl fin sot la Italie" di Josef Marchet
proverbi
"a Sant Benedet la cisile e passe sot il tet, passe no passe, il frêt nus lasse"
"a volê trai il ves plui grant de buse o che il ves nol passe o che la buse si sprece"
"al è passât il timp che a colave la mane"
"al è passât il timp di lâ a moris"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"ce che al passe al ingrasse"
"cuant che a passin i codons, i uciei a finissin"
"cui che al vûl cjapâ ducj i uciei che a passin no 'nt cjape nissun"
"dal dâ al vê e passe une biele diference"
"dal dit al fat al passe un grant trat"
"Diu mieze zornade le passe a fâlis, e chê altre mieze a dâlis"
"dulà che si passe la etât biele ogni piere a fevele"
"dut al passe fûr che il mani dal furducjin"
"i è passade ancje a Napoleon che al veve i spirons di aur"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i passarà se i è passade ancje a napoleon che al veve i spirons di aur"
"i vedui il prin dì a vain, il secont se passin, il tierç se ridin"
"il timp al passe e la muart e ven"
"il timp al passe e no si po fermâlu"
"joibe stade, setemane passade"
"miôr passâ par stupits che par masse svelts"
"misdì di vile o che al passe o che nol rive"
"ogni an al passe un an"
"ogni dì e passe chê zornade"
"passade la cincuantine a 'nd è une ogni matine"
"passade la cjoche si sint la bote"
"passade la doie, tornade la voie"
"passade la trentine a van in vuaìne"
"passât il glotidôr, passât ogni savôr"
"passât il trenteun no lis vûl plui nissun"
"passât il volt di Clement, nissun no ti à iniment"
"passâts i sessante agns si torne fruts"
"passe un, passe cent"
"prin di Nadâl il frêt nol è rivât, daspò Nadâl il frêt al è passât"
"Sant Gregori pape la cisile a passe la aghe, passâ o no passâ e je ore di arâ"
"se no passe, metii un stec a la volte"
"un bon avocat al fâs passâ par cjan ancje il gjat"
"voltât il cjanton, passade la passion"
Torna in Cima
Torna in Cima