Tu âs cirût la peraule
bilengâl monolengâl
Tu âs cirût la peraule
voglia
torne indaûr

bilengâl

voglia s.f.
  • 1

    s.f. voie Copie

    [FO] (volontât di fâ alc)
    avere voglia di fare una camminata nei boschi = vê voie di fâ une cjaminade pai boscs
    non avere voglia di fare niente = no vê voie di fâ nuie
  • 2a

    s.f. voie Copie

    [FO] (desideri fuart di alc, soredut fûr vie, dal moment)
    avere voglia di comprarsi un vestito nuovo = vê voie di comprâsi un vistît gnûf
    mi è venuta voglia di bere un caffè = mi è vignude voie di bevi un cafè
    questo caldo fa fare venire voglia di bere = chest cjalt al fâs vignî voie di bevi

    s.f. voie Copie

    (desideri no apaiât)
    mi è rimasta quella voglia per anni = mi è restade chê voie par agns
  • 2b

    s.f. voie Copie

    [FO] (desideri stramp)
    ogni tanto gli vengono di quelle voglie! = ogni tant i vegnin di chês voiis
  • 2c

    s.f.

    [FO] (in loc.pragm., par pandi che une azion e je dibant)
    hai voglia ad aspettare, ormai non arriva più = tu puedis ben spietâ, aromai nol rive plui
  • 3

    s.f. voie, morbin Copie

    [FO] (ancje tal pl., desideri sessuâl)
  • 4a

    s.f. voie Copie

    [FO] (spec. tal pl., desideri improvîs, tipic des feminis incintis, di mangjâ o bevi daurman alc di particolâr)
    avere le voglie = vê lis voiis
  • 4b

    s.f. voie Copie

    [FO] (magle su la piel, angjiome o neu, causionade, daûr de crodince popolâr, di une voie no gjavade de mari vie pe gravidance)
    avere una voglia di vino sulla schiena = vê une voie di vin te schene

locuzions

    levarsi la voglia
  • [CO] (cjale togliersi la voglia)
    • morire dalla voglia
  • murî de voieCopie
    [CO] (bramâ une vore)
    moriva dalla voglia di dirgli la verità = al murive de voie di dîi la veretât
    • togliersi la voglia
  • gjavâsi la voie, cjolisi la voieCopie
    [CO] (sodisfâ in plen un desideri)
    togliersi la voglia di riposarsi per una settimana = gjavâsi la voie di polsâ par une setemane
    • voglia o no
  • voie o no voie, cjante o sivileCopie
    [CO] (in dutis lis manieris, ancje se no si vûl)
    voglia o non voglia devi studiare = voie o no voie oppure cjante o sivile tu âs di studiâ

monolengâl

voie s.f.
(vo-ie)
Il volê, il desiderâ alc, soredut in maniere sintude e improvise
sinonims
brame, sen, desideri, gole
esemplis
"mi ven sù une voie di frut: cori ad ôr da la aghe, discolç, cjapâ sù un clap e tirâlu dentri"
gjavât fûr di "Il cîl sot aghe" di Dino Virgili
"dificoltâts e problemis, voiis e sperancis, golis e pôris"
gjavât fûr di "La Comission de miserie" di Riedo Pup
"la clime di chel gustâ no jere des miôr, tant plui che Lissandri nol veve voie di cjacaris e, plui che mangjâ, al pastrocjave tal plat"
gjavât fûr di "Il sium di Lissandri" di Franca Mainardis
"a Pieri, invezit, chel savoltâsi dal cûr i scjaldà la voie di meti robe buine sot i dincj"
gjavât fûr di "Cjase di Dalban" di Maria Forte
"cuant che i vignive une voie, no spietave nancje un minût"
gjavât fûr di "Il dolfin" di Carlo Sgorlon
voie s.f.
(vo-ie)
Ancje tal pl., desideri sessuâl (eufem.)
sinonims
brame, bramosetât, gole, pice, pitic, sen, seneosetât
esemplis
"l'empit de passion che ti sdrondene la anime e che ti sgrisule il cuarp di voie"
gjavât fûr di "Trê feminis" di Gianni Gregoricchio
" chê sô cjâr colôr rose che mi sveave un deliri di voiis"
gjavât fûr di "I forescj" di Alan Brusini, Gian Paolo Linda
"su la mê schena i sintivi i tiei dêts / la legria dai tiei flancs che a sveava las voias / las tôs bussadas che a studavin la sêt"
gjavât fûr di "La sô puema" di Giorgio Ferigo
"a viodisi crots lis voiis a si impiin e, par distudâlis, si sa ce che i vûl"
gjavât fûr di "Int di masnade" di Alviero Negro
voie s.f.
(vo-ie)
Spec. tal pl., desideri improvîs, tipic des feminis che a spietin un frut, di mangjâ o bevi daurman alc di particolâr (fam.)
voie s.f.
(vo-ie)
Magle su la piel, angjiome o neu, causionade, daûr de crodince popolâr, di une voie no gjavade de mari vie pe gravidance
esemplis
"une voie moron, grande tant che une palanche, subit parsore dal sen çamp"
gjavât fûr di "Cretevierte" di Roberto Ongaro
detulis
"cui che al à voie di mateâ che al compri un orloi o che si ledi a maridâ"
"cui che al è cence bêçs che no si lassi vignî voiis"
"cui che nol à voiis, al vûl dî che ses à gjavadis"
"mai mangjâ i piçs par voie di cjar"
"no stâ mangjâti i dêts par voie di cjar"
"passade la doie, tornade la voie"
"se si à voie di un displasê, si à di lâ ca dai parincj"
"se si à voie di vê un bon poltron, bisugne mandâlu a scuele o a passon"
torne sù
torne sù