Une vore comun a Pergine (TN), cun cetantis presincis te citât di Trent. Pergine e je li che si vierç la valade dal Fersina, une vâl abitade di une popolazion di divignince todescje (i Mòchens), che a fevelin un dialet tirolês. Ànderle al è duncje un cognon mòchen, derivât di *Anderl o *Anderle diminutîf di Andreas “Andree" (Rapelli, 1995). Il non al è atestât ancje in Friûl: 1412 Anderle de Viladro (Corgnali); 1443 Giovanni del fu Anderli di Cividale (Ribis 2002, 57); 1496 Anderli don Andrea mansionario di Cividale conosceva bene il tedesco (Biasutti); 1535 Anderli de Iacomin di Azida (Corgnali). Il cognon al è presint a Çarvignan.