Hai cercato la parola
monolingue
Torna indietro

monolingue

a prep.
Preposizion, che e pues jessi semplice o articolade, che e introdûs diviers complements e che si pues cumbinâ cun altris parts dal discors, ancje cun altris preposizions, in ciertis locuzions al cjape la forme "ad"
a prep.
Par introdusi determinazions di spazi cun moviment intune cierte direzion
sinonimi
in, ta, là di, li di, ca di, chi di
esempi
" mi cjapi la coriere e o voi a Grau"
da "Di là de rêt" di Jolanda Mazzon
"barbe Meni al jere rivât ae stazion di Udin"
da "Amîs come prime" di Alan Brusini
a prep.
Par introdusi determinazions di timp
sinonimi
par, sot, di, cun, in
esempi
"a sîs di matine e sunà la Avemarie"
da "Une fiere" di Angelo Covazzi
"[la messe grande] e sarà aes dîs e la funzion aes cuatri"
da "Lis predicjis dal muini" di Josef Marchet
"par vincjesiet agns i veve scrit sì e no une cartuline a Pasche e a Nadâl"
da "Prime di sere" di Carlo Sgorlon
"i veve dite che no i smecave masse di deventâ viele in chê maniere e che cun lui a trente agns si faseve za une vite di viele"
da "Frêt" di Agnul di Spere
a prep.
In corelazion cun di o da, e segne un passaç, ancje fig.
esempi
"«Ce gambiament che al à fat chel Zuan! Di cussì a cussì [...]»"
da "La tiere di Lansing" di Maria Forte
a prep.
Par introdusi relazions di tiermin
esempi
"ogni tant lis sûrs a mandavin une cartuline aes amiis"
da "Come tai romançs" di Alan Brusini
"no soi jo parone di volêi ben a di cui che vuei jo?"
da "La furlane" di Dolfo Zorzut
"o soi rivât adore di dâti chê fuarce che gno pari mi à dât a mi"
da "Ricuarts e inlusions" di Enrico Martina
a prep.
Cun valôr strumentâl
esempi
"un sfuei scrit a machine"
da "Il muc" di Roberto Ongaro
a prep.
Cun valôr modâl
esempi
"je biele jê cui scarpins a ponte, cul cutulin curt che i sta ben sui flancs ben fats e a suste"
da "La furlane" di Dolfo Zorzut
"al rideve a stupit vie"
da "La aghe da pît la cleve" di Dino Virgili
"al ploveve a selis e al sglovave un aiarat ruspi"
da "Dome la cjampanute di Sant Bortul" di Maria Forte
a prep.
Par segnâ une unitât di misure
sinonimi
par
esempi
""E il lidric jal cêt a bon presit, tratantsi di trê chilos mi darà dusinte francs al chilo""
da "Cjase di fitâ" di Pieri Somede dai Marcs
a prep.
Cun valôr di fin o di cause
sinonimi
par, di
esempi
"il nodâr al sgurlave il cjâf pôc persuadût. “No dîs di no, siôr cont, ma chel tipo là al smicje a lis nestris tiaris.”"
da "Îr e doman" di Gianni Gregoricchio
a prep.
Cun valôr limitatîf
sinonimi
di, par
esempi
"il zovin nol veve pardabon nancje une pecje: brâf a scuele, educât cun ducj…"
da "Aiar di cjase" di Franca Mainardis
a prep.
Cun valôr distributîf
esempi
"si jerin metûts in file a doi a doi"
da "Chei di Muraie" di Pieri Menis
a prep.
Par introdusi un tiermin di paragon
esempi
"un vecjut che al someave a Mazzini, simpri in cjapiel e baston"
da "Gno nono" di Alviero Negro
a prep.
Tignint sù costruzions cul infinît, cun valôr finâl, condizionâl, causâl, temporâl e v.i.
esempi
"si smicje a vê un cuadri sociolinguistic dai paîs dal Friûl"
da "Il lunari mai jessût - Tellini te prime vuere mondiâl" di Donato Toffoli
"dal rest, induvinâ lis intenzions des âfs, nol à di sei tant facil, nancje a vêlis tant a pratiche come che lis veve Min"
da "Lis âfs di Min" di Alviero Negro
"a sintî chel tibidoi te strade, il caporâl che al ronceave sù par une bancje intal boczimer, vâl a dî tune cjanevate scure scure, sence ne fûc ne lûs, al salte fûr mieç insumît"
da "Sot consei di vuere" di Giovanni Gortani
a prep.
Tes costruzions causativis e pues introdusi chel che al è il subiet logjic de subordenade
esempi
""Po, al met in pericul la sô reputazion, e i fâs fâ une figure al plevan!""
da "Amôr in canoniche" di Bruno Paolo Pellarini
Torna in Cima