Tu âs cirût la peraule
monolengâl
torne indaûr

monolengâl

abadâ v.intr., v.tr.
(a-ba-dâ)
Dâ atenzion o impuartance a cdn. o a alc
sinonims
stâ atent, viodi, cjalâ, stâ daûr, lâ daûr, fâ câs, dâ abade
esemplis
"Tilde e jentrà sot dal toglât e no i abadà plui a ce che al sucedeve intal curtîl de cjasone"
gjavât fûr di "Trê feminis" di Gianni Gregoricchio
"la corint di aiar e jere tant fuarte che un conseîr al domandà dôs voltis che si tignìs sierade la puarte, ma nissun i abadà"
gjavât fûr di "Il sorbet di limon" di Agnul di Spere
"cuant che i passave la fumate, Ulive e tentave di dîi alc, ma lui no le abadave"
gjavât fûr di "La tiere di Lansing" di Maria Forte
Viôt ancje: badâ
abadâ v.intr., v.tr.
(a-ba-dâ)
Viodi di cdn. o di alc, che al stedi ben, che al ledi indenant ben e v.i.
sinonims
viodi, impensâsi, stâ daûr, tignî di voli, atindi
esemplis
"tu sta atent de casere e abade dal fûc de cjarbonere, e che al si fâsi ben planc il cjarbon"
gjavât fûr di "Co une vôs e clame" di Pieri Somede dai Marcs
"a vevin cjolt un purcit a miezis e i abadavin une zornade parom"
gjavât fûr di "Mieç purcit" di Meni Ucel
abadâ v.intr., v.tr.
(a-ba-dâ)
Meti impegn, interès (ancje ass.)
sinonims
viodi
esemplis
"Pauli al abadave dome a ridi e a studiâ matanis che a mandavin in fote sô agne Gjeme"
gjavât fûr di "Trê feminis" di Gianni Gregoricchio
detulis
"a lis cjacaris des feminis no si abade"
"cui che al abade ogni nûl no si met mai in viaç"
"fâs ce che tu âs di fâ e lis cjacaris de int no stâ abadâ"
torne sù