SuperDizionari

acent s.m.
(a-cent)

[TS] (ling.) Rilêf di une silabe cuntun rimarc de fuarce de vôs o de sô altece

sinonims

acent tonic

esemplis

"l'acent, compagn che tal francês e l'ocitan, no si moveve inte peraule Om, che in dì di vuê e à i plurâi ùmign, òmign, òminç, Oms, òmis e òmi"

gjavât fûr di "Cualchi ipotesi sul furlan di prin di scrivilu" di Zorç Cadorin

acent s.m.
(a-cent)

Segn metût sore di une vocâl, in gjenar par segnâ se e je toniche o se e je vierte o sierade o lungje

sinonims

acent grafic

esemplis

"completâ la scriture des peraulis zontant ogni sorte di apostrofs e di acents"

gjavât fûr di "Memoriis di politiche linguistiche" di Adrian Cescje

acent s.m.
(a-cent)

[TS] (mus.) Rimarc di une o plui notis par vê un efiet particolâr

sinonims

acentazion

acent s.m.
(a-cent)

Maniere particolâr di fevelâ

sinonims

cadence, inflession

esemplis

"al busine a vôs alte, inte baite vueide, cuntun revoc di acent cjargnel"

gjavât fûr di "Contis sot spirt" di Raffaele Serafini

"une pronunzie perfete, cence acent forest"

gjavât fûr di "Autonomie e democrazie, i numars de Socializazion umane" di Franc Fari, Eric Pascul

acent s.m.
(a-cent)

Modalitât espressive particolâr (fig.)

esemplis

"il stîl nol è masse elegant, ma chel che al impuarte in chescj câs no je la forme leterarie ma l'acent di veretât e la imparzialitât tes descrizions"

gjavât fûr di "Zuan Batiste Cavedalis - Une vite esemplâr" di Giovanni Pillinini

monolengâl