Hai cercato la parola
monolingue
Torna indietro

monolingue

adatament s.m.
(a-da-ta-ment)
L'adatâ, l'adatâsi e il lôr risultât (ancje fig.)
esempi
"o lin nome daûr de logjiche, cence adataments aes contingjencis"
da "Logjiche e politiche" di Josef Marchet
"la evoluzion e je une conseguence di un adatament lunc e progressîf intun puest"
da "Conte di peraulis muartis" di Sandri Di Suald
"un adatament de grafie fonetiche dal esperanto al furlan"
da "Il lunari mai jessût - Tellini te prime vuere mondiâl" di Donato Toffoli
adatament s.m.
(a-da-ta-ment)
[TS] (cinem.) Rielaborazion di une opare par justâle a di une altre forme espressive, a di un altri gjenar o a une altre sensibilitât, ancje cun intervents sui contignûts
esempi
"la companie “Accademia de gli Sventati” [...] e veve proponût “Chê gnot dal scus”, un adatament de opare dal grant anglês William Shakespeare “Un insium di une gnot di mieç istât”"
da "Sù che al vadi il sipari" di Laurin Zuan Nardin
adatament s.m.
(a-da-ta-ment)
[TS] (ling.) Fenomen li che une peraule foreste e jentre tun sisteme linguistic che le trasforme e le svicine a nivel fonetic e o morfologjic ae formis patrimoniâls e risultât di chest fenomen
esempi
"putize al è l'adatament dal sloven potica"
da "La gubane, o ben la fortune di jessi la puarte de Europe orientâl" di Sandri Carrozzo
Torna in Cima