SuperDizionari

adatament s.m.
(a-da-ta-ment)

L'adatâ, l'adatâsi e il lôr risultât (ancje fig.)

esemplis

"o lin nome daûr de logjiche, cence adataments aes contingjencis"

gjavât fûr di "Logjiche e politiche" di Josef Marchet

"la evoluzion e je une conseguence di un adatament lunc e progressîf intun puest"

gjavât fûr di "Conte di peraulis muartis" di Sandri Di Suald

"un adatament de grafie fonetiche dal esperanto al furlan"

gjavât fûr di "Il lunari mai jessût - Tellini te prime vuere mondiâl" di Donato Toffoli

adatament s.m.
(a-da-ta-ment)

[TS] (cinem.) Rielaborazion di une opare par justâle a di une altre forme espressive, a di un altri gjenar o a une altre sensibilitât, ancje cun intervents sui contignûts

esemplis

"la companie “Accademia de gli Sventati” [...] e veve proponût “Chê gnot dal scus”, un adatament de opare dal grant anglês William Shakespeare “Un insium di une gnot di mieç istât”"

gjavât fûr di "Sù che al vadi il sipari" di Laurin Zuan Nardin

adatament s.m.
(a-da-ta-ment)

[TS] (ling.) Fenomen li che une peraule foreste e jentre tun sisteme linguistic che le trasforme e le svicine a nivel fonetic e o morfologjic ae formis patrimoniâls e risultât di chest fenomen

esemplis

"putize al è l'adatament dal sloven potica"

gjavât fûr di "La gubane, o ben la fortune di jessi la puarte de Europe orientâl" di Sandri Carrozzo

monolengâl