SuperDizionari

afâr s.m.
(a-fâr)

Operazion comerciâl o finanziarie fate par vuadagnâ

esemplis

"il trafic des droghis al è l'afâr plui profitevul che lis bandis mafiosis a vebin inventât in Italie e tal forest"

gjavât fûr di "La sgrife de mafie su la economie dal Nord" di Redazion il Diari

afâr s.m.
(a-fâr)

Robe di fâ, di distrigâ

sinonims

assum, cefâ, cjosse, dafâ, facende, impegn, incombence, lavôr, negozi, fat, trafic

esemplis

"fâ alc di ben in chês pocjis oris de setemane che mi restavin libaris dai miei afârs"

gjavât fûr di "In teatro" di Pieri Somede dai Marcs

"l'avocat al disglagnave ducj i afârs de Siore"

gjavât fûr di "Come tai romançs" di Alan Brusini

afâr s.m.
(a-fâr)

Ativitât, situazion, cuistion e v.i. che e rivuarde cdn. in maniere personâl, par responsabilitât o par riservatece, ancje in espression di rispueste secje

esemplis

"soi stât dal implicât e al dîs che no son afârs siei e al mi à mandât dal segretari"

gjavât fûr di "La buteghe dal barbîr" di Pieri Somede dai Marcs

"il Talian al jere un framasson? Afâr sô"

gjavât fûr di "La tiere di Lansing" di Maria Forte

"Fatime lu viodeve a jentrâ di gnûf in cjase cu la muse ruane di rabie. "Ce sucedial? Âstu dismenteât alc?" i domandave. "Afârs miei!""

gjavât fûr di "Ombris tal infinît" di Carlo Sgorlon

afâr s.m.
(a-fâr)

In sens une vore gjeneric, situazion, complès di fats

esemplis

"in Friûl l'afâr nol jere par nuie clâr, ancje par vie che il stât talian, voie o no voie, al veve pierdude la vuere e la Jugoslavie di Tito le veve vinte"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

afâr s.m.
(a-fâr)

Cjosse, robe concrete, che no si sa o no si vûl determinâ in maniere specifiche (fam.)

sinonims

imprest, robul, tramai, truc, cjossul

esemplis

"cualchidun al veve intaiât cul curtìs un afâr che no si capive ben, ma che al podeve stâi che si tratàs di une sesule e un martiel…"

gjavât fûr di "Il «comandatôr»" di Pieri Menis

afâr s.m.
(a-fâr)

[TS] (polit.) Problematiche politiche o judiziarie complicade, che e prodûs un contrast impuartant o che e fâs scjas

sinonims

câs

esemplis

"dopo un tire e mole che al costà la ocupazion de Boemie e de Moravie, sul afâr dal coridôr di Danziche e sclopà la vuere"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

monolengâl