Hai cercato la parola
monolingue
Torna indietro

monolingue

alçâ v.tr.
(al-çâ)
Movi, puartâ, meti adalt
sinonimi
alçâ sù, jevâ, jevâ sù, parâ sù, tirâ sù
esempi
"al alçave une tace di vin cuintri il lusôr di une cjandele tal so biel cesendeli di arint e al diseve: «Ae salût de veretât e nestre!» "
da "Come tai romançs" di Alan Brusini
"al jere rivât su la puarte che il cûr i sbalçave e si jere dut dreçât prime di alçâ il saltel"
da "Fadie come ale" di Maria Forte
"Tite Peresel al alçave la bandiere rosse come une flame"
da ""Nocent"" di Maria Forte
alçâ v.tr.
(al-çâ)
Fâ cressi di misure, di nivel, di dimension, di valôr, di cuantitât e v.i.
sinonimi
alimentâ, aumentâ, cressi, dopleâ, fâ cressi, fâ lâ sù, incressi, ingruessî, inricjî, insiorâ, moltiplicâ, nudrî, profondî, rionzi, sglonfâ, slargjâ, staronzâ, svilupâ, tirâ sù
esempi
"int, in sumis, che e lavorave no par alçâ il grum des palanchis, ma nome par tentâ di sbassâ la tasse dai debits"
da "I furlans e i bêçs" di Riedo Pup
"«Al à dit che [la letare che al vendeve] al jere un ricuart di famee. Ma secont me al voleve alçâ il presit.»"
da "Il numar 1089" di Franco Marchetta
"srarî i raps, propit par alçâ la cualitât"
da "Vendeme 2009: cuantitât, cualitât e… lavôr!" di Mara Piccoli
alçâ v.tr.
(al-çâ)
Fâ deventâ plui alt
sinonimi
alçâ sù, parâ sù
esempi
"a volevin fâlis [lis scuelis] te braide di Michêl, disore de strade dal Tescolan, un puest une vore plui legri. E ancjemò a volevin fâlis di trê plans, par no mateâ une altre dì a alçâlis"
da "Il façolet dal Dacian" di Riedo Pup
alçâ v.tr.
(al-çâ)
Fâ une struture edificade o che e compuarte un moviment di materiâl
sinonimi
fâ, costruî, tirâ sù, fâ sù, jevâ
esempi
"[Zuan Batiste Cavedalis] tal '39 al alçà une roste su la rive diestre de Ciline par protezi Cordenons"
da "Zuan Batiste Cavedalis - Une vite esemplâr" di Giovanni Pillinini
alçâ v.tr.
(al-çâ)
Pronunziâ o indreçâ a vôs
esempi
"No stin pensâi. Alcìn un cjant: Stait alegris fantacinis / che alegris podeis stâ. / Cuant che po sarês sposadis / dut il ben al finirà."
da "A passe la scalmane" di Anute Fabris
"a alçavin un zigo di fâ dûl"
da "Cjase di Dalban" di Maria Forte
alçâ v.tr.
(al-çâ)
[TS] (zûcs) Dividi in doi e cambiâ di ordin il mac di cjartis messedât di un altri zuiadôr
sinonimi
taçâ, taiâ
esempi
""Siore Luzie, che stei utente! che alci lis cjartis [...] Eco… un, doi, trê… benon… trê di spade…""
da "Ursule" di Pieri Somede dai Marcs
"Zuanat al de di alçâ il mac"
da "La aghe da pît la cleve" di Dino Virgili
alçâ v.tr.
(al-çâ)
[TS] (sport) Soredut ass., te bale a svol fâ un passaç alt a di un compagn
proverbi
"al è miôr tignîlu pe brene che no alçâlu pe code"
"il popul o che al alce trop o che al sbasse trop"
"l'om che al alce masse il bocâl al devente un nemâl"
"miôr tignîlu pe cjavece che no alçâlu pe code"
"tant alçâ e tant sbassâ"
Torna in Cima