Tu âs cirût la peraule
monolengâl
torne indaûr

monolengâl

amicizie s.f.
(a-mi-ci-zi-e)
Rapuart di afiet e stime tra personis
sinonims
afiet, confidence, familiaritât, amistât
esemplis
"bevìn in glorie, pâs e amicizie!"
gjavât fûr di "La cjase di Toni" di Tarcisio Venuti
"i leams di parintât o di amicizie a permetevin ai emigrants che a jerin a pene rivâts di inserîsi"
gjavât fûr di "La emigrazion furlane in Austrie e in Gjermanie" di Matteo Ermacora
"[lis striis di Gjermanie] sentadis sul confin a vain la antighe amicizie pierdude"
gjavât fûr di "Lis striis di Gjermanie" di Catarine Percude
amicizie s.f.
(a-mi-ci-zi-e)
Bogns rapuarts tra comunitâts, stâts, organizazions e v.i.
sinonims
aleance, concuardie, fradaie, socie, amistât
esemplis
"[il Ream di Italie] tra il 1882 e il 1915, cu la diestre al leve rinovant di cinc in cinc agn il pat di amicizie cu la Austrie e cu la Gjermanie"
gjavât fûr di "Partide dople" di Josef Marchet
amicizie s.f.
(a-mi-ci-zi-e)
Rapuart sentimentâl o di intimitât (eufem.)
sinonims
amôr
amicizie s.f.
(a-mi-ci-zi-e)
Spec. tal pl., personis che si à in amicizie
sinonims
amì
esemplis
"o cognòs Clare e lis sôs amiciziis"
gjavât fûr di "Vieri e gnûf" di Pieri Piçul
amicizie s.f.
(a-mi-ci-zi-e)
Il jessi pratic di alc, usât a alc e sim.
sinonims
confidence
esemplis
"chês personis alì no àn trope amicizie cui dîs comandaments"
gjavât fûr di "Lis predicjis dal muini" di Josef Marchet
detulis
"a imprestâ bêçs, si piert la amicizie"
"amicizie cul dam lassile lâ al malan"
"conts dispès, amicizie lungje"
"cui bêçs e cu la amicizie si cope la justizie"
"cui che al impreste bêçs al piert la amicizie"
"se si vûl conservâ la amicizie, bisugne stâ lontans"
"se si vûl pierdi la amicizie, bisugne imprestâ bêçs"
torne sù