SuperDizionari

amont s.m.
(a-mont)

Passaç di un astri, spec. dal soreli, sot de linie dal orizont

sinonims

tramont

esemplis

"i ultins rais dal amont prin di sepulîsi daûr i cops dal toglât a jentravin dal barcon viers il curtîl"

gjavât fûr di "Il tinel" di Pieri Somede dai Marcs

"cumò, l'amont si imbosche tai peçs e al fâs incolorît il vueit fra len e len"

gjavât fûr di "La tiere di Lansing" di Maria Forte

amont s.m.
(a-mont)

Direzion o pont cardinâl de bande che il soreli al tramonte (fig.)

sinonims

Ovest, ocident, soreli a mont

esemplis

"rivâ fin ai confins de Tiere par cjoli sù lis pomis di aur tal Zardin des Esperidis, lis divinitâts dal amont, dal Ocident"

gjavât fûr di "Viaç aes origjins dal Logos" di Adrian Cescje

"la rubriche “Documents su la Cuestion furlane” dal mensîl “Ladins dal Friûl”, tal numar di Zenâr, e à proponût une “Letare davierte” ai furlans di Jevât e di Amont"

gjavât fûr di "Pai amîs di Gurize e di Pordenon" di Redazion La Patrie dal Friûl

amont s.m.
(a-mont)

Fin, fase finâl (fig.)

sinonims

fin, tramont

esemplis

"a jerin i agns che cualchi autôr di storie al veve clamât "dal amont des grandis ideologjiis""

gjavât fûr di "Frêt" di Agnul di Spere

"[il sarasin] al è rivât chenti sul amont dal Cuatricent, rivât de Asie centrâl, e in cualchi puest lu àn vût coltivât fin tai agns Cincuante dal secul stât"

gjavât fûr di "Friûl: une patrie di blave" di Enos Costantin

monolengâl