Hai cercato la parola
monolingue
Torna indietro

monolingue

amont s.m.
(a-mont)
Passaç di un astri, spec. dal soreli, sot de linie dal orizont
sinonimi
tramont
esempi
"i ultins rais dal amont prin di sepulîsi daûr i cops dal toglât a jentravin dal barcon viers il curtîl"
da "Il tinel" di Pieri Somede dai Marcs
"cumò, l'amont si imbosche tai peçs e al fâs incolorît il vueit fra len e len"
da "La tiere di Lansing" di Maria Forte
amont s.m.
(a-mont)
Direzion o pont cardinâl de bande che il soreli al tramonte (fig.)
sinonimi
Ovest, ocident, soreli a mont
esempi
"rivâ fin ai confins de Tiere par cjoli sù lis pomis di aur tal Zardin des Esperidis, lis divinitâts dal amont, dal Ocident"
da "Viaç aes origjins dal Logos" di Adrian Cescje
"la rubriche “Documents su la Cuestion furlane” dal mensîl “Ladins dal Friûl”, tal numar di Zenâr, e à proponût une “Letare davierte” ai furlans di Jevât e di Amont"
da "Pai amîs di Gurize e di Pordenon" di Redazion La Patrie dal Friûl
amont s.m.
(a-mont)
Fin, fase finâl (fig.)
sinonimi
fin, tramont
esempi
"a jerin i agns che cualchi autôr di storie al veve clamât "dal amont des grandis ideologjiis""
da "Frêt" di Agnul di Spere
"[il sarasin] al è rivât chenti sul amont dal Cuatricent, rivât de Asie centrâl, e in cualchi puest lu àn vût coltivât fin tai agns Cincuante dal secul stât"
da "Friûl: une patrie di blave" di Enos Costantin
Torna in Cima