SuperDizionari

aplicazion s.f.
(a-pli-ca-zi-on)

Il meti, l'aplicâ e il lôr risultât

esempi

"la aplicazion di une fasse su la part feride"

aplicazion s.f.
(a-pli-ca-zi-on)

Element, soredut decoratîf, tacat suntun ogjet

sinonimi

bilisie, furniment, zonte

esempi

"mobilie cun finiments e aplicazions di bronç"

da "Storie de art in Friûl" di Bepi Agostinis

aplicazion s.f.
(a-pli-ca-zi-on)

Impegn intal fâ une robe, intune ativitât

sinonimi

atenzion, curie, impegn, premure, studi, viste

esempi

"ce grant aplicazion, ce grant virtût / dêf avê l'om costant"

da "La Gjeorgjica di Virgjili" di Zuan Josef Busiç

aplicazion s.f.
(a-pli-ca-zi-on)

[CO] (inform.) Complès di un o plui programs che a coventin par funzions particolârs

esempi

"une aplicazion pai celulârs che ti vise se la coriere e rive in ritart"

da "I Cjastrons present "Un Friûl fûr di pan - Domenie Avost Compilation"" di I Cjastrons

aplicazion s.f.
(a-pli-ca-zi-on)

Il meti in vore une norme, un proviodiment, une decision e v.i.

esempi

"e je stade ritardade a timp indeterminât la aplicazion dal ordenament speciâl"

da "Fieste finide" di Josef Marchet

"la aplicazion dai criteris di coerence e di funzionalitât [...] e permet di tirâ sù un sisteme grafic sempliç "

da "La grafie furlane normalizade – Introduzion" di Xavier Lamuela

monolingue