Tu âs cirût la peraule
monolengâl
torne indaûr

monolengâl

arbul s.m.
(ar-bul)
Grant organisim vegjetâl cun fust di len, che al vîf par plui agns
sinonims
len, morâr, pomâr, frutamâr, frutâr
esemplis
"al tirave un tramontan rabiôs che al sivilave jenfri i ramaçs dai arbui, jù pai roncs de culine"
gjavât fûr di "Prime di sere" di Carlo Sgorlon
"un troi che al lave framieç clapons e arbui di faiâr"
gjavât fûr di "Cretevierte" di Roberto Ongaro
"lis boschetis di arbui di agacie a mostravin lis ramis spinosis"
gjavât fûr di "Grivôr" di Franca Mainardis
arbul s.m.
(ar-bul)
[TS] (mar.) Tes nâfs e tes bacjis, struture in forme di pâl che e à di rezi lis velis
esemplis
"si alçava un fregul di maistri su la aga, plantarin l'arbul e la pizula vela slambrada"
gjavât fûr di "Il me paîs" di Federigo Comelli
"no rivarin a meti in aghe i rems che l'arbul grant al començà a cricâ e a vuicâ a fuart"
gjavât fûr di "Re Ricart in Friûl" di Gianluca Franco
arbul s.m.
(ar-bul)
[TS] (sient.) Struture che e rapresente cuntun grafic i rapuarts jerarchics tra elements
esemplis
"la notazion sintatiche e consist intal fâ fûr des frasis intal corpus struturis sintatichis (par solit cu la forme di un arbul sintatic)"
gjavât fûr di "Corpus linguistics" di Vladimir Petkevic
"la disposizion par mieç di grafics, tabelis, arbui no sarès altri che [...] il riflès mentâl de rivoluzion gutenberghiane"
gjavât fûr di "Il brevet" di Mario Turello
arbul s.m.
(ar-bul)
[TS] (mec.) Element slungjât che al trasmet o che al ricêf il moviment produsût di un altri mecanisim
sinonims
as
esemplis
"arbul motôr"
"arbul di trasmission"
detulis
"al prin colp nol cole l'arbul"
"bisugne pleâ l'arbul co al è zovin"
"bisugne pleâ la bachete, l'arbul si romp"
"cui che al colte l'arbul al mangje la pome"
"cui che al servìs l'arbul al mangje il pom"
"cuntun colp nol cole l'arbul"
"dreçâ l'arbul fin che al è zovin"
"il ramaç si taie dal arbul"
"l'arbul al cole di chê bande che al pent"
"l'arbul al cole di chê bande che al plee"
"l'arbul si sglove prin di rivâ al cîl"
"miôr un uciel in man che no dîs sul arbul"
"no si taie mai l'arbul cuntun sôl colp"
"no stâ taiâ l'arbul che ti à parât de ploie"
"un arbul che nol florìs nol da pomis"
"une vît cence arbul no sta sù"
torne sù