Hai cercato la parola
monolingue
Torna indietro

monolingue

ardi v.tr.
(ar-di)
Fâ che alc al vegni cjapât dal fûc, par scjaldâsi, par fâ di mangjâ, par distruzi, par ritualitâts e v.i.
sinonimi
brusâ
esempi
"o ai viodût par agns e agns, tal bearç dal Ros Blasut, il plui biel cocolâr di dute la Furlanie; e une sere o soi passât e nol jere plui nuie, che il folc lu veve ardût"
da "Lis predicjis dal muini" di Josef Marchet
ardi v.intr.
(ar-di)
Jessi cjapât des flamis e distrut dal fûc, fasint lûs e calôr
sinonimi
brusâsi, brusâ
esempi
"il çoc tal fogolâr al ardeve ancjemò, aben che al fos pes ultimis"
da "Cretevierte" di Roberto Ongaro
"Meni al è muart; noaltris ducj ferîts. Sant Zuan al art. I Turcs a vegnin ca"
da "I Turcs tal Friûl" di Pier Paolo Pasolini
ardi v.intr.
(ar-di)
Scotâ di fiere (fig.)
sinonimi
boli, sbrovâ, brusâ
esempi
"siore Marceline si veve sierât tai braçs la picinine che e ardeve di fiere"
da "Cjase di Dalban" di Maria Forte
ardi v.intr.
(ar-di)
Sintî un sintiment o une sensazion une vore a fuart (fig.)
sinonimi
brusâ
esempi
"chê cjase e pareve destinade a ardi di dutis lis passions"
da "Cjase di Dalban" di Maria Forte
ardi v.intr.
(ar-di)
Di sintiment o di sensazion, vê une vore di fuarce (fig.)
sinonimi
brusâ
esempi
"sot de fote di Tilde al ardeve il stes pinsîr e al imboreçave ancjemò di plui il so riviel"
da "Trê feminis" di Gianni Gregoricchio
"il sium de aventure, che [...] e sintive ardi e brusâ sot de piel"
da "Cecilia Danieli, la “Siore dal Açâl” cul lavôr tant che passion" di Angelo Floramo
proverbi
"la lum no art cence vueli"
"la lûs no art cence vueli"
"sot de cinise e art la bore"
Torna in Cima