SuperDizionari

argoment s.m.
(ar-go-ment)

Element che si dopre par poiâ une afermazion

sinonims

cantin, reson

esemplis

"so pari nol veve argoments in contrari e al veve dite che e lave ben"

gjavât fûr di "I prâts des Savodagnis" di Agnul di Spere

argoment s.m.
(ar-go-ment)

Ogjet di un discors

sinonims

cantin, materie, teme, cuistion, tematiche

esemplis

"Furlans, in chest paîs no è cjarestie / di argoments pal lunari"

gjavât fûr di "Il Strolic furlan par l'an 1847" di Pieri Çorut

"frontâ argoments tant che disvilup, incressite, inovazion e vie discorint"

gjavât fûr di "Evelin" di Gianfranco Pellegrini

argoment s.m.
(ar-go-ment)

[CO] Reson di peteçâ

esemplis

"la Ane e jere avonde zovine e fuarte, indulà che Davit al vivuçave miôr che al podeve, cussì malimbletât e olivastri che al pareve che al mangjàs dome salate e lidric e al dave argoment [ae int dal paîs] par criticâle"

gjavât fûr di "La aghe dal Ariul" di Maria Forte

argoment s.m.
(ar-go-ment)

[FÛ] Fuarce, vivôr

esemplis

"il côr dentri dal pet mi fasê lap, / di pôra che dovent no vignìs int. / Stei cêt, e no sintii nissun dovent / e subit i piai gnôf argoment"

gjavât fûr di "Câs amorôs" di Eusebi Stele

argoment s.m.
(ar-go-ment)

[BF] Ande supierbeose

esemplis

"plene di argoment come une regjine, che al someave che dut i puçàs"

gjavât fûr di "La tiere di Lansing" di Maria Forte

argoment s.m.
(ar-go-ment)

[BF] Mût di fâ ardît

esemplis

"Tonaç al cjalà cun argoment la femine dongje"

gjavât fûr di "Il bal spasimât des ombrenis" di Maria Forte

argoment s.m.
(ar-go-ment)

[TS] (mat.) Intes funzions matematichis, insiemi che i si aplichin i operadôrs de funzion stesse

argoment s.m.
(ar-go-ment)

[TS] (ling.) Variabile di un predicjât

argoment s.m.
(ar-go-ment)

[TS] (stat.) Inte statistiche metodologjiche, variabile indipendente che in funzion di chê si manifeste un fenomen cun intensitât o frecuence diviersis

monolengâl