SuperDizionari

arie s.f.
(a-ri-e)

Misture di gas, pe plui part azot e ossigjen, che e forme la atmosfere de Tiere

sinonims

aiar, atmosfere

arie s.f.
(a-ri-e)

[TS] (meteor.) Part di atmosfere caraterizade di une cierte temperadure e pression

sinonims

aiar

esemplis

"considerant une masse di arie, se si sta movint verticalmentri te atmosfere, e je par fuarce sogjete a une espansion [...] o a une compression"

gjavât fûr di "La analisi des previsions di temporâi te planure dal Friûl-Vignesie Julie" di Dario Giaiotti, Fulvio Stel

arie s.f.
(a-ri-e)

Moviment dal aiar atmosferic cemût che al ven viodût e sintût, ancje identificât daûr de direzion di dulà che al ven

sinonims

aiar, vint, tramontan, buere, buerin, rosean, levantin, sclâf, sclavon, siroc, sirocâl, garbin, zefir, maistrâl, provence, provençâl, brise, ventisel, aiarin, aiarut, aiaron, aiarat, bave, codebave, codebuie, stravinte, bissebove, seon, stelmin, bovadice, buiadice, turgul, turguliç, turbin, turbit, torgule, trombe

esemplis

"buliva il mâr plui furiôs, la aria no veva riten"

gjavât fûr di "Il me paîs" di Federigo Comelli

"mil voltis malandrete / sei la arie di garbin, dîs siore Bete"

gjavât fûr di "Pronostic del 1827" di Pieri Çorut

arie s.f.
(a-ri-e)

Flus di aiar

sinonims

aiar, corint

esemplis

"e zire une arie pure che manten / il firmament seren"

gjavât fûr di "Par lis gnocis Pecil-Rubin" di Pieri Çorut

arie s.f.
(a-ri-e)

Complès di cundizions climatichis tipichis di un lûc

sinonims

aiar, atmosfere, clime

esemplis

"vivi intun paîs di montagne là che la arie e je plui fine e pure"

gjavât fûr di "Cretevierte" di Roberto Ongaro

arie s.f.
(a-ri-e)

Atmosfere psicologjiche o morâl di un complès di personis, di un ambient, di une situazion (fig.)

sinonims

aiar, clime, ande

esemplis

"in cjase di Rose Marsut la arie e jere eletriche"

gjavât fûr di "Il muc" di Roberto Ongaro

arie s.f.
(a-ri-e)

Maniere di jessi, di fâ, di vistîsi, di stâ che e da une cierte impression (fig.)

sinonims

aiar, aspiet, ande

esemplis

"jere tornade come amie, cence chê arie di spreç su la muse"

gjavât fûr di "La Madalene" di Zuan Lurinçon

"cemût che a mi cjale chê siorine, dal alt al bas [...]! Se o viodessis cun ce arie di pietât, di mufe… No pues viodile, eco…"

gjavât fûr di "A passe la scalmane" di Anute Fabris

"al ero zirât a cjalâ la maestât des monts cun ario nostalgjico"

gjavât fûr di "Geologicamente impossibile" di Fulvio ReddKaa Romanin

arie s.f.
(a-ri-e)

[BF] Soredut tal pl., ande di braùre e di superioritât

sinonims

mierde, pofardie, presunzion, scaghe, suficience, svant, svantarie, vant, aiar

esemplis

"cjale li ce ariis!"

arie s.f.
(a-ri-e)

[CO] (mus.) Composizion o toc di composizion melodiche

sinonims

aiar, motîf

esemplis

"cetantis formazions corâls che a àn recuperât e tornât a proponi ariis tradizionâls furlanis"

gjavât fûr di "Musiche furlane" di Walter Colle

arie s.f.
(a-ri-e)

[TS] (autom.) Intai veicui a motôr, dispositîf che al covente par inricjî la missele

sinonims

starter, aiar

arie s.f.
(a-ri-e)

Gas intestinâl (eufem.)

sinonims

aiar, pedeade, pêt, flât, flatulence, coree, flandrine, fusete, lofe, slofe

esemplis

"mai dismenteâsi dal orâr che al va simpri insieme ai fasûi, parcè che al jude a contrastâ chel teribil efiet colaterâl di chest liùm di causionâ arie te panze"

gjavât fûr di "Mignestre di fasûi, la ricete definitive" di Margherita Timeus

arie inter.
(a-ri-e)

[BF] Tant che comant par mandâ vie, par slontanâ (fig.)

sinonims

vie

esemplis

"se i va ben cussì bon, se no… arie!"

gjavât fûr di "Fûr di timp" di Jolanda Mazzon

monolengâl