SuperDizionari

artist s.m.
(ar-tist)

Cui che al fas art, soredut se al dimostre di sei brâf

esempi

"nol è un câs che li dentri a zirin musiciscj, pitôrs, atôrs e artiscj di ogni fate"

da "Un Friûl difarent: i 90 mhz di Onde Furlane" di Max Mauro

"un artist di prime sfere, chel che al à piturade la capele dal Domo"

da "Co l'amôr al cimie" di Costantino Smaniotto

artist s.m.
(ar-tist)

Cui che al lavore tal mont dal spetacul

esempi

"[tal festival Suns] sul palc dal Teatri Gnûf «Zuan di Udin», si sfidaran artiscj e grups che a rivaran di ogni bande de Europe"

da "Poie europeane par «Suns»" di Erika Adami

"in place, co la int a saltavin fûr di messe, artiscj a stomi crot a mangjavin stope e a spudavin fûc, a spacavin cjadenis cul stomi, a tiravin curtìs cuintri une bree e cjans amaestrâts a balavin su dôs gjambis"

da "Come tai romançs" di Alan Brusini

artist s.m.
(ar-tist)

Cui che al è une vore brâf tal fâ alc

esempi

"al jere un artist tal savê dâur [aes cjampanis] vôs di vaî o di ligrie secont che al coventave, tal dâ onde largje e timp just a ogni sglongjade"

da "La rive di Sant Pieri" di Maria Forte

artist s.m.
(ar-tist)

Cui che al fâs un lavôr di produzion manuâl

sinonimi

artesan

esempi

"ta la ostarie di siore Bitine, tal gno paîs là jù pe Basse, si cjatavin [...] ducj i artiscj di lenti: faris e marangons, cjaliârs e muradôrs, pitôrs e teracîrs, e cjarpentîrs, e fornasîrs e vie discorint"

da "Il cjapiel di stran" di Alviero Negro

"i colonos, i artiscj, chei che a lavorin, polsavino mai? A polsavin ancje chei; ma no come i siôrs di lâ in vacance"

da "I furlans e lis feriis" di Riedo Pup

monolingue