SuperDizionari

ator av.
(a-tor)

Intal spazi che al è dongje, in sens gjeneric in cualsisei direzion

sinonims

tor ator, intor, dulintor, ator ator, dongje, dacîs, ator vie, daprûf

esemplis

"al cjalave ator viers la basse e la mont cun chei voi grîs [...] e al dave la so rispueste: da spes al induvinave [ce timp che al varès fat] "

gjavât fûr di "Spacecjamin" di Pieri Somede dai Marcs

"il burlâ bas de pigne come un avon cuiet, si spandeve li ator"

gjavât fûr di "La rive di Sant Pieri" di Maria Forte

Viôt ancje: atorn

ator prep.
(a-tor)

A pocje distance di, in particolâr cuntun sens di posizion o moviment circolâr, ancje a contat cul cuarp

sinonims

intor, tor, ator di, intor di, tor di, dacîs, daprûf, dacîs di, daprûf di, dongje, dongje di

esemplis

"spiete che ti spiete ator la taule, e cres cul lâ dal timp la fam"

gjavât fûr di "Storie di Min" di Ivano Urli

"al fâs par butâi i braçs ator il cuel ma jê si schive"

gjavât fûr di "A la oselade" di Pieri Somede dai Marcs

"ator la sô bala dei voi si mostrà come una specie di lagrima"

gjavât fûr di "Il me paîs" di Federigo Comelli

ator adi.inv.
(a-tor)

Che al è tal spazi dongje, cence une indicazion definide

sinonims

confinant, convicin, vicin, vicinant, dongje, dulintor

esemplis

"la int e vignive a sintîlu ancje dai paîs ator"

gjavât fûr di "Il cuaresimâl" di Angelo Covazzi

"si smamissin lis vôs di chei che si sgjarnin sù par di Çucje e di Cuie, e a van cjapant pît i avostans pes braidis ator"

gjavât fûr di "Otavari a Madone" di Meni Ucel

ator av.
(a-tor)

In cualchi puest no definît, fûr di cjase, par cualchi impegn o ancje a fâ nuie in particolâr

sinonims

fûr, vie, a torzeon, a passon, a spas, intor

esemplis

"«E i frutats dulà sonin?» «Ator ancje chei, che a train daûr lôr pari [...]»"

gjavât fûr di "Il cicin" di Meni Ucel

"e jere simpri ator come il purcit di Sant Antoni, a cjoli chê robe, a domandâ chê altre"

gjavât fûr di "La int" di Pieri Menis

ator av., prep.
(a-tor)

Par dâ un valôr indeterminât di timp, spazi, cuantitât

sinonims

intor, plui o mancul, incirche, cirche, sù par jù, tor

esemplis

"Zac al dismontà de machine ator dîs e un cuart"

gjavât fûr di "Light my Fire" di Franco Marchetta

monolengâl