SuperDizionari

ator av.
(a-tor)

Intal spazi che al è dongje, in sens gjeneric in cualsisei direzion

sinonimi

tor ator, intor, dulintor, ator ator, dongje, dacîs, ator vie, daprûf

esempi

"al cjalave ator viers la basse e la mont cun chei voi grîs [...] e al dave la so rispueste: da spes al induvinave [ce timp che al varès fat] "

da "Spacecjamin" di Pieri Somede dai Marcs

"il burlâ bas de pigne come un avon cuiet, si spandeve li ator"

da "La rive di Sant Pieri" di Maria Forte

Vedi anche: atorn

ator prep.
(a-tor)

A pocje distance di, in particolâr cuntun sens di posizion o moviment circolâr, ancje a contat cul cuarp

sinonimi

intor, tor, ator di, intor di, tor di, dacîs, daprûf, dacîs di, daprûf di, dongje, dongje di

esempi

"spiete che ti spiete ator la taule, e cres cul lâ dal timp la fam"

da "Storie di Min" di Ivano Urli

"al fâs par butâi i braçs ator il cuel ma jê si schive"

da "A la oselade" di Pieri Somede dai Marcs

"ator la sô bala dei voi si mostrà come una specie di lagrima"

da "Il me paîs" di Federigo Comelli

ator adi.inv.
(a-tor)

Che al è tal spazi dongje, cence une indicazion definide

sinonimi

confinant, convicin, vicin, vicinant, dongje, dulintor

esempi

"la int e vignive a sintîlu ancje dai paîs ator"

da "Il cuaresimâl" di Angelo Covazzi

"si smamissin lis vôs di chei che si sgjarnin sù par di Çucje e di Cuie, e a van cjapant pît i avostans pes braidis ator"

da "Otavari a Madone" di Meni Ucel

ator av.
(a-tor)

In cualchi puest no definît, fûr di cjase, par cualchi impegn o ancje a fâ nuie in particolâr

sinonimi

fûr, vie, a torzeon, a passon, a spas, intor

esempi

"«E i frutats dulà sonin?» «Ator ancje chei, che a train daûr lôr pari [...]»"

da "Il cicin" di Meni Ucel

"e jere simpri ator come il purcit di Sant Antoni, a cjoli chê robe, a domandâ chê altre"

da "La int" di Pieri Menis

ator av., prep.
(a-tor)

Par dâ un valôr indeterminât di timp, spazi, cuantitât

sinonimi

intor, plui o mancul, incirche, cirche, sù par jù, tor

esempi

"Zac al dismontà de machine ator dîs e un cuart"

da "Light my Fire" di Franco Marchetta

monolingue