SuperDizionari

atôr s.m.
(a-tôr)

Cui che al interprete, che al ten sù une part in oparis teatrâls, cinematografichis, televisivis

sinonims

interpretant, teatrant

esemplis

"finide la stagjon dal teatro, come il solit, o ai fat preparâ te sale grande da la ostarie de «Cjampane» une cenute pai atôrs"

gjavât fûr di "La comedie dal mus" di Pieri Somede dai Marcs

"la furlane Adelaide Ristori, une des atoris plui impuartantis dal teatri tragjic talian"

gjavât fûr di "Storie e cronistorie dal teatri in Friûl" di Bepi Agostinis

atôr s.m.
(a-tôr)

Cui che al fâs fente (fig.)

sinonims

comedeant, dissimuladôr, ipocrit, simuladôr, teatrant, bausâr

esemplis

"al voleve dâmi. Ma jo soi un atôr di gale… solite musute, tirade sù la schene, e vie a ronronâ intor dai siei sghirets"

gjavât fûr di "Dispiets" di Raffaele Serafini

atôr s.m.
(a-tôr)

Cui o ce che al agjìs, al prodûs un efiet creant o cambiant une realtât

sinonims

protagonist, sogjet

esemplis

"cun chê idee iniments [di fâ un gjornâl furlan], bielzà pronte e madure, al le in cercje dai atôrs che a vevin di realizâle cun lui"

gjavât fûr di "Felix Marchi e il sium dal furlan-furlan" di Max Mauro

monolengâl