SuperDizionari

monolingue

aventari s.m.
(a-ven-ta-ri)

Complès dai bens, une volte soredut vistîts, blancjarie e robis pe cjase, che la nuvice si puarte daûr tant che sô proprietât te cjase gnove di dopo maridade

esempi

"i veve scrit a di une fantate di Miorin, Curine, che e preparàs l'aventari che lui, cuant che al tornave, le cjoleve sul istant e le menave vie cun se"

da "La aghe da pît la cleve" di Dino Virgili

"cui mi varessial cjolte cussì, cence robe, che mio pari nol à volût dâmi nancje l'aventari…"

da "Al fresc" di Pieri Somede dai Marcs

aventari s.m.
(a-ven-ta-ri)

Il complès di robis che a coventin par une cierte ativitât

esempi

"si inacuarç che il so costum al è deventat strent, che il gno si è slargjât, che chei dai fruts a son piçui ormai, che i sandui a son cunsumâts, che i cjapiei a son disformâts e ce saio jo. Al ven a stâi che in chei dîs al tocje di torna a fâ un gnûf aventari [par lâ al mâr]"

da "Al mâr" di Lucio Perès

Torna in Cima