SuperDizionari

bale s.f.
(ba-le)

Sfere doprade par zuiâ

esemplis

"cualchidun al veve pierdût une bale di tenis"

gjavât fûr di "Leviathano!" di Checo Tam

"al cjape la bale tal mieç dal cjamp e si svicine ae aree furlane, al tire ben in diagonâl"

gjavât fûr di "Udinese – Parma 3-2" di Marc Stolf

"al viodè Ricardo che al zuiave di bessôl tal curtîl, cuntune bale di gome"

gjavât fûr di "Prime di sere" di Carlo Sgorlon

bale s.f.
(ba-le)

[CO] (sport) Massime intal zûc di fobal, tîr o passaç o ocasion di fâ une zuiade

sinonims

balon

esemplis

"devant a rivin pocjis balis che si puedin pardabon zuiâ e stramudâ in ocasions di rêt"

gjavât fûr di "Udinese – Chievo 1-1" di Marc Stolf

bale s.f.
(ba-le)

Cualsisei robe di forme sferiche

sinonims

sfere

esemplis

"il soreli al tramontave, come une bale di fùc tal cîl, une maravee di viodi "

gjavât fûr di "Storie di un cjan" di Egle Taverna

bale s.f.
(ba-le)

[CO] (stor.) Piçule sfere che si doprave intes votazions e vôt dât a pro o cuintri di cdn. o di alc

esemplis

"ai vincj di Avost o soi stât balotât / conseîr comunâl / di Sant Zuan di Manzan; / e ai vût dutis lis balis in favôr"

gjavât fûr di "Lis mês gloriis" di Pieri Çorut

bale s.f.
(ba-le)

Piçule sfere che si dopre in estrazions o lotariis

esemplis

"il palc de tombule al jere prontât e ducj a spietavin il moment che il sindic al varès tiradis fûr, une a la volte, lis balis cui numars"

gjavât fûr di "Îr e doman" di Gianni Gregoricchio

bale s.f.
(ba-le)

Toc di metal, o par antîc ancje di piere, trat di une arme di fûc

sinonims

colp, proietil, proiet

esemplis

"la bale i veve sfrisade la cope e il sanc i spissulave cjalt"

gjavât fûr di ""Nocent"" di Maria Forte

"par fâ lis balis di fusîl tocjave recuisî i cjaldîrs di ram de puare int"

gjavât fûr di "Il muc" di Roberto Ongaro

bale s.f.
(ba-le)

Robe false, dite par imboiâ

sinonims

bausie, bombe, buride, buridon, carotule, falope, falsetât, fandonie, fanferie, fiandrine, flabe, flandogne, fote, implant, invenzion, sbarade, sflandocje, sflandogne, storie, bufule, sflocje, sflandocule, fanfaluche, frotule

esemplis

"e par dimostrâ che no conti balis o visi che la notizie e je publicade cheste setemane su la Gazete uficiâl de Republiche"

gjavât fûr di "Ocjo di no pintîsi" di Riedo Pup

bale s.f.
(ba-le)

Robe esagjerade (fig.)

sinonims

berlete, bulade, buleç, cagade, canonade, fanfaronade, fole, lasagnade, sflocje, spacade, spaconade, spampanade, svant, trombonade, vant, vantarie, bufule, putanade

esemplis

"nus sglonfaran il fiât de solite zonte di balis nazionalistichis"

gjavât fûr di "Legnadis e pidadis" di Josef Marchet

bale s.f.
(ba-le)

Testicul (volg.)

sinonims

balote, coion, testicul, totul, bergamasc, tendarel

esemplis

"e jere vignude fûr une figure balorde. “A mi mi à dute la ande di un caz cun tant di balis sot” al veve comentât un dal trop"

gjavât fûr di "Îr e doman" di Gianni Gregoricchio

bale s.f.
(ba-le)

Spec. tal pl., sensazion di fastidi o di stufe o robe o persone che a dan fastidi, che a stufin (coloc.)

sinonims

barbe, rompiment di balis, coion, fastidi, secjadure, stufe

esemplis

"ce balis lis provis di bande!"

gjavât fûr di "Avengers" di Checo Tam

"no disin nuie di gnûf e dopo un pôc ti fasin vignî un pâr di balis"

gjavât fûr di "Un Friûl difarent: i 90 mhz di Onde Furlane" di Max Mauro

bale s.f.
(ba-le)

Bevude fuarte di alcolics e i efiets che e lasse (pop.)

sinonims

plombe, plene, pipine, susine, piruce, simie, strissule, parussule, çusse, civuite, sfisie, steche, cjoche, cuete, çussigne, implombade, sbrosigne, trusse, zufule

esemplis

""A cjapâ balis, a doventâ cjochelis vês imparât pal mont!""

gjavât fûr di "Eh! in chist mont, par doventâ siôrs, si dovi robâ" di Dolfo Zorzut

"va a durmî tal cjôt, cjochele. Viôt li ce bale che tu âs!"

gjavât fûr di "Amîs come prime" di Alan Brusini

bale s.f.
(ba-le)

Robe che si à fisse tal cjâf, che si vûl a fuart

sinonims

claut, carûl, fisse, chê

esemplis

"ti passe chê bale - dissè jê - chi o soi e chi o resti, e tu va là che tu vûs… "

gjavât fûr di "Mabile la Lunghine" di Maria Forte

bale s.f.
(ba-le)

Cuantitât di robe, spec. di paie, di stranc o di ciertis marcjanziis, fate sù

esemplis

"al ti cjatave so pari, sentât su di une bale di stranc"

gjavât fûr di "Come tai romançs" di Alan Brusini

monolengâl