"viodi chei cuatri che a corevin sù e jù daûr dal balon"
da "Faliscjis" di Cristina Noacco
"il frut mi domande di zuiâ a bale cun lui e mi bute il balon su la taule"
da "Un Friûl difarent: i 90 mhz di Onde Furlane" di Max Mauro
"dal prin gno balon di corean (chei balons di une volte cu la coree) o jerin parons a miezis jo e Franco"
da "Storie di Vera" di Ivano Urli
balons.m. (ba-lon)
[CO] (sport) Dome sing., zûc fat di dôs scuadris di undis zuiadôrs suntun cjamp di jerbe, che a àn di mandâ dentri il balon inte rêt contrarie tocjantlu cui pîts o cul cjâf (par anton.)
sinonimi
fobal
esempi
"chê partide e jere pardabon impuartante, e jere la finâl dal campionât mondiâl di balon, a Buenos Aires"
da "Usgnot partide di balon" di Agnul di Spere
"mi insumiavi di vê un album cun dutis lis stemis des scuadris di balon de Europe"
da "Subbuteo" di Checo Tam
"zuiâ di soldaduts o di balon"
da "Cuintristorie dal Nûfcent 1970-1980" di Angelo Floramo
balons.m. (ba-lon)
[CO] (sport) Massime intal zûc dal fobal, tîr, passaç o ocasion di fâ une zuiade
"[il portîr] nol à nuie ce fâ parcè che ai atacants de formazion emiliane no ur rivin balons di zuiâ"
da "Sassuolo – Udinese 0-0" di Marc Stolf
balons.m. (ba-lon)
[CO] (anat.) Vissie urinarie di une bestie, che une volte dopo lavorade, e podeve coventâ par insacâ robe purcine, par fâ contignidôrs, balis di zuiâ, parelums, e v.i.
[CO] (med.) Cundizion patologjiche li che un volt dal intestin, ancjemò dentri dal peritoneu, al finìs fûr de sô posizion naturâl e si sburte tal scrot
"Durì, se a ti vignìs [...] la piere, la roture e lu balon "
da "I, 35" di Ermes di Colorêt
"i cuatri gnovissins dal om son: prima i ocjâi, secont il baston, tiars la goba e cuart il balon"
da "Storia dai trê nerans" di Ranieri Mario Cossâr
balons.m. (ba-lon)
Aerostat cence motôr, sglonfât cuntun gas plui lizêr dal aiar
sinonimi
mongolfiere
esempi
"e Çorut tel balon, in grant divise, / cui siei tramais induès, / a lâ sù sù svolant, / compagnât dai sivîi de baronie"
da "La Viele" di Pieri Çorut
balons.m. (ba-lon)
Globi di membrane une vore fine e elastiche, pal solit colorade, sglonfât di aiar o gas lizêr, doprât come element di decorazion o par zuiâ
esempi
"se un mac di balons, magari di chei molâts dai fruts a Sante Catarine, al sorpasse il lôr aroplano e si piert lontan par devant o par in bande dal lôr aereo, lu scambiin par un «caccia» militâr"
da "I voi dai pilotis" di Riedo Pup
balons.m. (ba-lon)
Sorte di piçul lampion, fat cuntun parelum sferic o taront cun dentri une piçule cjandele, doprât une volte fâ lum e par bielece in fiestis o fieris
esempi
"a gnot i venezians e i forestîrs a capitin a gjoldi il spetacul tes barcjis e tes gondulis fodradis di balons"
"la puare femine e jere deventade un balon che si strassinave indevant su lis gjambis che a semeavin doi muducs. “Colpe de flebite, chê sfondrade!”"
da "Îr e doman" di Gianni Gregoricchio
balons.m. (ba-lon)
Grampe di nêf cjapade e fracade cu lis mans, di butâ cuintri di chei altris par zûc
esempi
"si cjate il grant solêf / a fâ balons di nêf. / Il puar balone il siôr, / il client il dotôr; / il mestri dal scuelâr, / il mus dal peçotâr, / si fasin balonâ, / balons di ca e di là"
da "La nêf e i barons di place" di Pieri Çorut
balons.m. (ba-lon)
Toc di spongje dât dongje par jessi tignût o vendût intîr