Tu âs cirût la peraule
monolengâl
torne indaûr

monolengâl

bastart adi., s.m.
(bas-tart)
Fi di une union no legjitime (spres.)
sinonims
ilegjitim, mûl, naturâl
esemplis
"ti dîs jo ce che ti vuaste sul stomi! Al è un bastart, no mo sì? Un bastart! E ce colpe aial lui di chest?… Isal forsit diferent di un altri, un bastart? Ancje lui al à une mari… e se il pari lu à lassât, lui nol à colpe"
gjavât fûr di "La maghe no fale" di Pieri Menis
""Cui isal? Dimi cui che al è... Dimi cun cui che tu sês stade, sdrondine di une petroce! che jo tal gjavi de madrasse cu lis grifis, chel bastart!...""
gjavât fûr di "La aghe da pît la cleve" di Dino Virgili
bastart adi., s.m.
(bas-tart)
Di bestie o plante, nassude di un incrôs di razis diferentis
sinonims
miscliç, miscliçât
esemplis
"il cjan di Lise, un bastart lupin, lu cognosseve inmò di cuant che al vignive a cjatâle a la lûs dal dì e alore no i baiave"
gjavât fûr di "Il muc" di Roberto Ongaro
"un cjanut bastart di mil etis"
gjavât fûr di "La bandiere" di Pieri Somede dai Marcs
bastart adi., s.m.
(bas-tart)
Tant che titul di ofese o di dispresi, in sens une vore larc
sinonims
carogne, fi di putane
esemplis
""Bastart! Bastardat di un contadin!" al tacà a berlâ. "Tu, ruvinâ mê fie?""
gjavât fûr di "Trê feminis" di Gianni Gregoricchio
"ve Comelians, piçul borc, / paîs bastart e sporc / sgnacât intun slarc dal Dean"
gjavât fûr di "Ve Comelians, piçul borc" di Giorgio Ferigo
"la machine bastarde slosse no va!"
gjavât fûr di "Donald dal Tiliment" di Stiefin Morat
bastart adi.
(bas-tart)
No pûr, contaminât o misturât (fig.)
sinonims
miscliç, miscliçât, bastardât
esemplis
"a Udin e a Gurize si sint a fevelâ dialets bastarts"
gjavât fûr di "La fuarce dal nestri lengaç" di Josef Marchet
bastart adi.
(bas-tart)
Di part di plante, che si calcole secondarie e cence utilitât
esemplis
"al judave a çoncjâ lis menadis bastardis, a compagnâ sul fîl di fier i cjâfs che no vevin avonde cuars par brincâsi"
gjavât fûr di "Cjase di Dalban" di Maria Forte
bastart s.m.
(bas-tart)
Ambient de cjase jenfri il solâr plui alt e il cuviert, une volte doprât tant che magazen (loc.)
sinonims
cjast
bastart s.m.
(bas-tart)
Pipinot che si met par spaurî i uciei par che no vegnin a mangjâ la semence (loc.)
torne sù