Tu âs cirût la peraule
monolengâl
torne indaûr

monolengâl

benstâ s.m.
(bens-tâ)
Il jessi intune buine situazion, pal plui economiche o sociâl
sinonims
bonvivi, ricjece, bondance, bielstâ, bonstâ
esemplis
"il benstâ economic dai triestins al è il plui alt di chel dai milanês e ancje di chel dai turinês"
gjavât fûr di "Tanto cjapo e tanto magno" di Riedo Pup
"cul benstâ la strassarie e parone par ogni famee e la fam no cuince nissun plat"
gjavât fûr di "La legre svearine" di Franca Mainardis
benstâ s.m.
(bens-tâ)
Buine cundizion di salût o ancje psicologjiche, di umôr e v.i.
sinonims
bonstâ, bielstâ
esemplis
"dute la famee si jere sentade ator de taule e e veve cenât cidine, intune atmosfere che e jemplave il cûr di un benstâ mai sintût"
gjavât fûr di "Grivôr" di Franca Mainardis
"professioniscj e esperts, che a furnissin dute la assistence necessarie par rivâ a fâ chest pas decisîf [molâ di fumâ] pe salût e pal benstâ"
gjavât fûr di "Stude i spagnolets!" di Guglielmo Pitzalis
benstâ s.m.
(bens-tâ)
Situazion, sistemazion o posizion comude
sinonims
bonstâ, bielstâ
esemplis
"stanzionis indulà che ognidun si poie alì che al cjate benstâ"
gjavât fûr di "Storie di Vera" di Ivano Urli
torne sù