Tu âs cirût la peraule
monolengâl
torne indaûr

monolengâl

beât adi., s.m.
(be-ât)
Che, cui che al à une grande fortune, ancje in esclamazions e espressions proverbiâls
sinonims
fortunât
esemplis
"Tite, beât tu che no tu âs tancj pinsîrs!"
gjavât fûr di "Barbane" di Pieri Somede dai Marcs
" "Beât lui, magari ancje jo!""
gjavât fûr di "Amîs come prime" di Alan Brusini
Viôt ancje: biât
beât adi., s.m.
(be-ât)
[TS] (religj.) Che, cui che al gjolt de vision di Diu
esemplis
"Infier e Purgatori e Paradîs, / al visità lis animis danadis, / po ches in purghe e in ultin lis beadis"
gjavât fûr di "Lenghe e dialet" di Emilio Nardini
beât s.m.
(be-ât)
(religj.) Persone venerade de Glesie cun cult public ancje se no sant
esemplis
"la arcje di marmul dal beât Beltram"
gjavât fûr di "Gnove scuvierte su la acuile di Beltram, simbul de Patrie: interviste ae diretore dal Museu dal Domo di Udin" di Natascia Gargano
beât adi., s.m.
(be-ât)
Dal dut content, sodisfat, cuiet e cence pinsîrs
sinonims
cence pinsîrs, content, fortunât, pacjific, seren, gloriôs, estasiât
esemplis
"a jerin daûr a fâ un grant paston insiemi cul pari dut content e beât"
gjavât fûr di "Trê sûrs" di Andreina Nicoloso Ciceri
"Luziute mi à puartât un bon te di camamile che mi à fat durmî beât come une creaturine inocente"
gjavât fûr di "Viaç a Vignesie" di Arturo Feruglio
beât adi., s.m.
(be-ât)
Che, cui che al à une anime inocence, e in câs ancje pocje inteligjence,
esemplis
"beât om, nol saveve lui il dam che nus sarès vignût"
gjavât fûr di "Come tai romançs" di Alan Brusini
"cetantis che ind à ditis cuintri il Judiç istrutôr e cuintri chel beât om di Procuradôr dal Re"
gjavât fûr di "Florean dal Palaç" di Guido Antonioli
detulis
"beade chê cjase che e à un vieli dentri"
"beât chel che al po bussâ il Crist di bessôl"
"beât chel che al po russâsi di bessôl"
"beât chel muart che al plûf sul so cuarp"
"beât il paron se il contadin al puarte il cjapiel in bande"
"beâts chei fîs che a àn lôr pari a cjadaldiaul"
"beâts i prins fûr che jù par la aghe"
"beâts i prins fûr che tes pachis"
"beâts i ultins se i prins a àn creance"
"Març sut, Avrîl bagnât, Mai temperât, beât chel che al varà semenât"
"tal paîs dai vuarps beât cui che al à un voli"
torne sù