SuperDizionari

bielzà av.
(biel-zà)

Al segne che tal moment che si fevele un fat o une azion a son za finîts, o a son daûr a finîsi o a son sucedûts di pôc

sinonims

biel, benzà, za, zaromai, aromai, di za

esemplis

"al rivà, par dî il vêr, che la predicje e jere bielzà indenant"

gjavât fûr di "Il cuaresimâl" di Angelo Covazzi

"o sin bielzà in Avrîl e l'Invier al è paron de campagne come in Zenâr"

gjavât fûr di "Un bosc cence colôrs" di Franca Mainardis

bielzà av.
(biel-zà)

Intun moment passât, une altre volte, cun valôr iteratîf o enfatic

sinonims

za, benzà, di za

esemplis

"pre Stiefin al à di vê cjapade une ponte e al è tal jet. E je bielzà la seconde volte che al cjape alc chest an, che Diu nus vuardi di mâl!"

gjavât fûr di "Lis predicjis dal muini" di Josef Marchet

"o ai bielzà dite che di mangjâ a 'ndi è tant che si vûl"

gjavât fûr di "I forescj" di Alan Brusini, Gian Paolo Linda

bielzà av.
(biel-zà)

Cun valôr enfatic o infuarcitîf, ancje in espressions che no àn indicazion temporâl

sinonims

za, benzà, di za

esemplis

"un an che al tache bielzà cun tune grande sodisfazion"

gjavât fûr di "Il sorpàs de Universitât dal Friûl su Triest" di Redazion La Patrie dal Friûl

"bielzà tal nassi dal ducât dal Friûl si viôt une diference di mût di calcolâ cheste tiere di bande dai doi protagoniscj dal fat, il re Alboin e il so scudîr Gjisulf, li par deventâ prin duche cividin "

gjavât fûr di "Rotgaut e la politiche furlane langobarde" di Sandri Carrozzo

"lu varessin puartât dentri de piçule cjasute te perifarie di Maisons-Laffitte, che e jere dut câs bielzà perifarie di Parîs"

gjavât fûr di "Light my Fire" di Franco Marchetta

bielzà av., inter.
(biel-zà)

Tant che espression di maravee, par vie che alc al capite prime di ce che si pensave

sinonims

benzà, za, di za

esemplis

""Ve ca i compits fats" "Bielzà?""

monolengâl