Tu âs cirût la peraule
monolengâl
torne indaûr

monolengâl

blanc s.m.
Il colôr plui clâr, chel de nêf o dal lat o sim.
esemplis
"dôs spuindis altis, cun baraçs e plachis di glerie di un blanc sporc"
gjavât fûr di "Cjalant la rive" di Agnul di Spere
"si vûl viodi il Cjanâl biel tant che un sium di fruts, al baste passâlu fûr cuant che la nêf frescje lu vistìs di blanc"
gjavât fûr di "Il cjanâl vistût a blanc" di Josef Marchet
"a mangjavin sot Pasche la cuartuce cu la salate frescje e il cuarnet a bine, su tavaiis che a svuarbavin di blanc"
gjavât fûr di "Come tai romançs" di Alan Brusini
"al rivà a Vendoi che al jere scûr come in bocje, e dibot al faseve fature a viodi il blanc de strade"
gjavât fûr di "Prime di sere" di Carlo Sgorlon
blanc adi.
Dal colôr plui clâr, tant che il lat o la nêf
sinonims
cjandit, cjanôr
esemplis
"bisnono Pieri che al veva i cjavei blancs e riçots"
gjavât fûr di "L'orloi fer" di Novella Cantarutti
"la cjamese blancje come un dint di cjan e tant fine che e pareve piel di ûf"
gjavât fûr di "Il solt dal Signôr" di Catarine Percude
"[i ôcs] si ingruessivin dì par dì, biei che a jerin cu la plume blancje e dome cualchi pinelade di grîs su la ponte des alis"
gjavât fûr di "I ôcs di Miute" di Maria Forte
blanc adi.
De piel o de ciere, cence colôr, soredut pe pôre, par une malatie e v.i.
sinonims
clâr, palit, sbasît, smamît, smarît, smavît, smuart, spavit, tombadiç
esemplis
"Angjeliche si tacà intor dal so om, blancje in muse, spasimade"
gjavât fûr di "Devant di dut il cîl" di Dino Virgili
"Bastian si butà in zenoglon tremant par dutis lis comissuris, la muse blancje svuedade di sanc, ma come resurît di une pôre tremende"
gjavât fûr di "L'avôt" di Dino Virgili
blanc adi.
Clâr, in relazion a varietâts plui scuris
esemplis
"di chei raps di ue blancje, e di chei râfs che a fasevin vignî la aghegole"
gjavât fûr di "A pescje tal suei" di Lucio Perès
"o clamìn a fâ compagnie al pes sîs fetonis di polente blancje"
gjavât fûr di "Viaç a Vignesie" di Arturo Feruglio
"a son doi gjenars di magne: la magne blancje e chê nere. Chê nere e je un sarpint cualsisei, ma chê blancje impen e je il spirt di un muart che e torne incà a fâ pinitince"
gjavât fûr di "Il miluç de magne" di Sandri Carrozzo
"tal curtîl de famee di Jacum a Talmassons, dongje dal mussulin a jerin doi figârs grandiôs, un blanc e un neri"
gjavât fûr di "I fîcs" di Angelo Covazzi
blanc adi.
No scrit
esemplis
"al cjalà il sfuei inmò blanc"
gjavât fûr di "I forescj" di Alan Brusini, Gian Paolo Linda
"lassâ une rie blancje"
blanc adi., s.m.
In oposizion al neri, par pandi une idee, un concet, un fâ e v.i. dal dut contrari un di chel altri (fig.)
esemplis
"i ai fat cognossi mê mari. Lui i à stât subit simpatic. Cun mê mari il grîs nol esist: o blanc o neri"
gjavât fûr di "Trê feminis" di Gianni Gregoricchio
blanc s.m.
Part plui clare di un alc
esemplis
"la muse nere e plene di grispis, dulà che si viodeve juste il blanc dai voi"
gjavât fûr di "Il fi de Rosse" di Pieri Menis
blanc s.m.
Piture par mûrs
esemplis
"al jere un lavôr mostro a tignî nete chê tutubie e a dâ une man di blanc a chei mûrs di cjalin, che lu refudavin"
gjavât fûr di "La tiere di Lansing" di Maria Forte
blanc s.m.
[CO] (chim.) Compost chimic di colôr blanc
blanc s.m.
Vin blanc
esemplis
"puartinus une buine butilie di chel blanc dal an passât"
gjavât fûr di "Sul agâr" di Pieri Menis
""E ce bevêso... e ce bevêso, paron?" / "O blanc o neri, baste che al sedi bon""
gjavât fûr di "Sul puint di Braulins" di Popolâr
blanc s.m.
Blancjarie, articul pe persone o pe cjase che par tradizion al jere di tiessût blanc
esemplis
"a partivin pe Gjermanie, a Lork, tune fabriche là che a fasevin intimelis, bleons, robe di blanc insome"
gjavât fûr di "Come tai romançs" di Alan Brusini
blanc adi., s.m.
Che, cui che al parten aes razis umanis europoidis cu la piel clare
esemplis
"blancs, neris, ros, zâi, e il colôr nol faseve nissune diference, che si jere dome cristians"
gjavât fûr di "Lis predicjis dal muini" di Josef Marchet
blanc adi., s.m.
[TS] (stor.) Che, cui che al faseve o che al fâs part di moviments o fazions che si identificavin ta chel colôr, in gjenar in contraposizion cun altris moviments o fazions caraterizadis di altris colôrs
blanc adi., s.m.
[CO] (zûcs) Tai scacs, tal pl., ancje cun iniz. maiusc., i tocs di colôr blanc
esemplis
"il roc blanc al è rivât in h5 e al da scac mat al re neri"
gjavât fûr di "Zuìn di scacs" di Nilde Teresa Negro
detulis
"ancje il lat di vacje al è blanc"
"il mus no si spele, il mierli nol devente blanc"
"la vacje nere e fâs il vidiel blanc"
"la vite e je un regadin: un fîl blanc e un turchin"
"tancj a son i corvats blancs e tancj i çus contents"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje a lasse murî di fam"
"tiere nere e fâs bon gran, tiere blancje e fâs murî di fam"
"tiere rosse e fâs bon gran, tiere blancje a lasse murî di fam"
torne sù