Tu âs cirût la peraule
monolengâl
torne indaûr

monolengâl

bolp s.f.
(zool.com.) Animâl salvadi de famee dai Canidis, lat. sient. Vulpes vulpes, cun cuarp snel, music spiçât, pêl rossit e blanc, orelis grandis e dretis e une code lungje e fisse, che al mangje spec. piçui mamifars e uciei
esemplis
"si saveve che tal bosc, sù pe mont, e tes gleriis, di bolps a 'nd jere, ma di chês rabiosis no 'nt si veve mai sintût a mutivâ nancje un câs"
gjavât fûr di "La rabie de bolp" di Renzo Balzan
"e vevin, nô, dôs gjalinutis, ma une nus e à portade vie la bolp"
gjavât fûr di "Il miedi dai puers" di Bepo Marion
"a vivevin intun bosc une bolp e un lôf so compari"
gjavât fûr di "La bolp e il lôf" di Luigi Gortani
Viôt ancje: volp
bolp s.f.
La pelice di chel animâl
esemplis
"te spolvarine cul so cuel di bolp"
gjavât fûr di "Sistemâts" di Meni Ucel
bolp s.f.
In metaforis o paragons par dî di cdn. che al à tante inteligjence e furbetât (fig.)
sinonims
dret, dreton, bolpat
esemplis
"e jere une femine tracagnote, plui largje che alte, svelte come la bolp"
gjavât fûr di "Mê agne Veroniche" di Tarcîs Muc
detulis
"ancje lis bolps vielis si lis cjape"
"cuant che la bolp e predicje, voli a lis ocjis"
"cuant che lis bolps si consein, sierait il gjalinâr"
"cul plui bati la strade, la bolp si cjape tal fier"
"il jeur al vîf a jerbe, la bolp a gjalinis, e a son grues compagns"
"la bolp e à pôre de sô ombre"
"la bolp e lasse il pêl ma il vizi no"
"la bolp e mude il pêl ma il vizi mai"
"la bolp e piert il pêl ma no la piel"
"la bolp no fâs mai mâl là che e à la tane"
torne sù