Tu âs cirût la peraule
monolengâl
torne indaûr

monolengâl

bore s.f.
(bo-re)
Toc di len o di cjarbon o di altri materiâl che al bruse cence flame
esemplis
"sui trepîts in bande de flame, su lis boris, e rustive la polente de sere prin, jemplant la cjase di profum"
gjavât fûr di "Vigji il cuintribandîr" di Pieri Menis
"se al deve sù il maltimp, e brusave l'ulîf su lis boris"
gjavât fûr di "I furlans e il timp" di Riedo Pup
"se reste a sec, il pavêr al fâs bore, / sí distude e al va in fum"
gjavât fûr di "Letare di ufici" di Ercole Carletti
bore s.f.
(bo-re)
Toc di taie di arbul, massime di faiâr, di brusâ, in gjenar lungje doi pîts e mieç o cinc pîts
esemplis
"une dì il cjaradôr si cjape sù e al va in Cjargne prin da la albe a cjoli boris"
gjavât fûr di "L'avôt di Sante Brigjide" di Andreina Nicoloso Ciceri
detulis
"a son piês i stiçs che no lis boris"
"a son plui i stiçs che no lis boris"
"bondance di boris, miserie di panolis"
"bore e cjarbon: se tu vuadagnis tenti in bon"
"i stiçs a son piês des boris"
"la bore o che e bruse o che e scote"
"resonâ cuntun cjoc al è tant che spudâ su lis boris"
"sot de cinise e art la bore"
torne sù