SuperDizionari

bot s.m.

Azion e efiet dal bati alc cun fuarce

sinonims

colp, ton, tonade, trus, trussade, bote

esemplis

"un rogant al veve scjavaçade la crôs [...]cul bot de colade il len de crôs, za frait, al jere lât in flichignis"

gjavât fûr di "Il Signôr sul mûr de braide" di Pieri Menis

"lavâ in presse - un bot e un striç"

gjavât fûr di "La aghe dal Ariul" di Maria Forte

bot s.m.

Il rumôr fat di un colp

sinonims

bote, crac, çocade, ton, scroc, tonade, colp, trus, trussade

esemplis

"o sint il bot de puarte che si siere"

gjavât fûr di "I forescj" di Alan Brusini, Gian Paolo Linda

"i rivà il cjant di un cucuc da cjâf dal mont, po il bot di une manarie di cuissà indulà"

gjavât fûr di "La tiere di Lansing" di Maria Forte

bot s.m.

Sun de cjampane

sinonims

glon

esemplis

"i cjampanârs in cubie, ben plantâts sul paviment cui braçs che si tindin di lunc la cuarde par grampâsi plui in alt pussibil a un segn di vôs a tachin a sunâ; si sint il bot de piçule, po chel de mezane e infin chel de grande"

gjavât fûr di "L'ultin cordo" di Pieri Somede dai Marcs

bot s.m.

[FÛ] Timp, moment

esemplis

"un bot plui incà l'intope fer in mieç de strade e cu lis mans in galon un zovenot"

gjavât fûr di "Lis istoriis di Palladio" di Giovanni Gortani

bot s.m.

Ritmi, ande, velocitât

esemplis

"[il tren] al sflade denant cul so bot sui trente, cuarante chilometris la ore di une stazion ae altre"

gjavât fûr di "Storie di Min" di Ivano Urli

"i bûs a lavin indenant simpri cun chel bot"

gjavât fûr di "L'avôt" di Maria Forte

bot s.m.

Sun di une esplosion

sinonims

ton, sclop, esplosion

esemplis

"un bot di canon"

gjavât fûr di "L'odôr de fiere" di Alan Brusini

bot s.m.

Fûc artificiâl

sinonims

fûc, falconet, mortalet, scaracaval

esemplis

"a fin dal an si fasin i bots"

gjavât fûr di "Nadâl" di Sandri Carrozzo

bot s.m.

[TS] (zûcs) Cocule plui gruesse che si bute smicjant altris coculis o nolis tal zûc di coculis

sinonims

mai

bot s.m.

[FÛ] Robe che si fâs a dispiet des dificoltâts, des previsions o di chei altris

sinonims

colp, tîr

esemplis

"no sês plui a timp, fradi: jê e varà za fat il bot. Cjalaitle po che e ven."

gjavât fûr di "II, 143" di Ermes di Colorêt

monolengâl