Part di vistît, che e pues sei fate di plui materiâi, par solit a forme di discut, che e je cuside tun ôr e che si pues passâ pe asule tun altri ôr, di maniere di sierâ
esemplis
"une femine in gjachetin ros di vilût cui botons di arint"
gjavât fûr di "La aghe da pît la cleve" di Dino Virgili
"lu cjatà dongje il barcon che si tacave un boton te cjamese. «Daitmi ca, us al tachi jo». «Savêso ce fature, par tacâsi un boton»"
gjavât fûr di "Prime di sere" di Carlo Sgorlon
Viôt ancje: baton
botons.m. (bo-ton)
Part di un imprest o di un aparât fate par jessi fracade cuntun dêt, in maniere di inviâ une azion, dâ un comant, piâ, distudâ e v.i.
sinonims
tast
esemplis
"o frachi el boton dal campanel"
gjavât fûr di "Viaç a Vignesie" di Arturo Feruglio
"Jacum al jere restât cui dêts fers sui botons [de armoniche]"
gjavât fûr di "La cjase dal Murat" di Maria Forte
"John intant al veve cjalcjât un altri boton e la machine e partive a grande velocitât"
gjavât fûr di "John König" di Checo Tam
botons.m. (bo-ton)
Part taronde e un pôc gruesse di alc
esemplis
"vô doprais ogni dì i fulminants; savês, che freant il boton di chei stechuts si manifeste une flamute"
gjavât fûr di "La crosade del maladet" di Zuan Ferdinant Dal Tor