Tu âs cirût la peraule
monolengâl
torne indaûr

monolengâl

brût s.m.
Aghe li che si à cuet a planc diviers ingredients, tant che verduris o cjar o pes, di mût che e à cjapât savôr e sostance di chei ingredients, che si pues bevi bessole o che si pues doprâ par fâ mignestris o par preparâ altris mangjativis
esemplis
"[rîs e cesarons] a vegnin cuets tal brût di vues"
gjavât fûr di "Viaç a Vignesie" di Arturo Feruglio
"la taule e jere parecjade cu la tovaie blancje, e la mignestre e jere za tal plat: un brût penç e lusint, cui taiadei"
gjavât fûr di "Chel moscjo di gno von" di Alviero Negro
"al podeve mangjâ tant che al voleve. Cjar, cjar e cjar, cussì grasse che e faseve un dêt di cuince parsore dal brût"
gjavât fûr di ""Nocent"" di Maria Forte
brût s.m.
Licuit caraterizât de presince di sostancis in soluzion o aghe sporcje o cjalde (fig.)
esemplis
"brût di ledan"
gjavât fûr di "Lis predicjis dal muini" di Josef Marchet
brût s.m.
Element caraterizât di une cierte derivazion, situazion, composizion e v.i., plui o mancul definide (fig.)
esemplis
"i dialets talians a van pierdint il lôr colôr e si smamissin ogni dì plui: il lombart di Milan, il romagnûl di Bologne, il laziâl di Rome, il napoletan di Napoli a son daûr a deventâ un brût che nol sa ni di me ni di te"
gjavât fûr di "Lenghe e lenghis in Italie" di Josef Marchet
detulis
"amôr al è amôr e no brût di verzis"
"amôr di patrie nol è brût di fasûi"
"amôr di patrie nol è brût di verzis"
"amôr nol è ni polente ni brût di verzis"
"brût lunc nol plâs"
"brût riscjaldât no stâ dâjal a un malât"
"brût riscjaldât nol à mai plasût"
"cjar viere e fâs bon brût"
"gjaline rosse e fâs bon brût"
"gjaline viere a fâs bon brût"
"i brûts luncs a van pe taule"
"il brût al scor pe taule"
"il brût de pite al va par dute la vite"
"il brût di gjaline al va par ogni aìne"
"il miôr brût al è chel di bec"
"l'amôr nol è brût di verzis"
"no bisugne lagnâsi dal brût gras"
"no lagnâsi dal brût gras"
"no si po fâ pan cul brût dal ledan"
"sanc nol è aghe ni brût di fasûi"
"un cjâf cence lenghe al è nome di fâ brût"
torne sù