Tu âs cirût la peraule
monolengâl
torne indaûr

monolengâl

businâ v.intr., v.tr.
(bu-si-nâ)
Mandâ fûr la vôs une vore a fuart, sedi cun peraulis che dome cun viers o sunsûrs, par clamâ, laudâ, protestâ, cridâ e v.i.
sinonims
berlaçâ, ciulâ, craçâ, cragnâ, cridâ, cuarnâ, disgosâsi, fâ vôs di Atile, fricâ, sbardaiâ, scriulâ, spampanâ, tambarlâ, tampiestâ, trombonâ, ucâ, urlâ, vosonâ, vuacâ, vuicâ, zigâ, sberlâ, vosâ, berlâ, sberghelâ
esemplis
""Tasêt us prei, Zaneto, no stait a businâ. Us sintin une mie lontan""
gjavât fûr di "A passe la scalmane" di Anute Fabris
"o smicji in chel, intal scûr, chescj doi Istrians spiçâ lis orelis, sledrosâ i voi, fâ un salt a çopedons fûr dal jet e prime planchin e po simpri plui fuart businâ “siamo liberi, siamo liberi!”"
gjavât fûr di "Storie di Min" di Ivano Urli
businâ v.intr.
(bu-si-nâ)
Soredut dai insets, fâ un sunsûr çondar o vibrât e continuât, plui o mancul fuart, cu lis alis
sinonims
bruî, burlâ, cisâ, ruzâ, sbisiâ, 'siminâ
esemplis
"po dopo a lerin tal ort: lis âfs a businavin tai bôçs"
gjavât fûr di "La sûr" di Pieri Somede dai Marcs
businâ v.intr.
(bu-si-nâ)
Des orelis, vê la sensazion di un sunsûr fuart
esemplis
"e sudant el cerneli, e businant le aurelis, e tarlupant i vuoi, e sfreidant el nâs, e strenzint le masselis, e flapint i lavris"
gjavât fûr di "Il testamint di barba Pisul Stentadiça" di Zuan Batiste Donât
"mi sintivi a businâ lis orelis come se o fos vignût jù incorint de montagne alte"
gjavât fûr di "Il dolfin" di Carlo Sgorlon
businâ v.intr.
(bu-si-nâ)
Di pinsîr, ricuart, robe sintude e restade te memorie e v.i., fâsi sintî a fuart, ancje conturbant
esemplis
"il carûl di chest pensîr al tacà a businâi tal cjâf"
gjavât fûr di "Claps" di Stiefin Morat
"al cirive di tornâ a indurmidîsi, ma da râr al rivave; i businavin tal cjâf lis peraulis di Line"
gjavât fûr di "Cretevierte" di Roberto Ongaro
detulis
"cuant che a businin lis moscjis di Zenâr, slargje il braç piorâr; cuant che a businin lis moscjis di Fevrâr, strenç il braç piorâr"
"cuant che al busine il fûc, forescj in cjase"
"cuant che il fûc al busine: o forescj o amîs a puartâ pueste"
"se al busine il fûc: o forescj o contrescj"
torne sù