SuperDizionari

cadavar s.m.
(ca-da-var)

Il cuarp che nol è plui vîf

sinonimi

cuarp, muart

esempi

"i carabinîrs a vevin cjatât il cadavar di une frute"

da "La salamandrie tal fûc" di Carlo Tolazzi

"fûr de cjase dal puar muart, tante int a spietâ che al rivàs il plevan e la crôs pe benedizion dal cadavar e par sierâ la casse"

da "Al funerâl" di Angelo Covazzi

cadavar s.m.
(ca-da-var)

Cui che nol à fuarcis fisichis o psicologjichis o emotivis (fig.)

esempi

"prîf di cujê, che è l'unic mio content / soi cadavar spirant, soi sence cûr; / vite no ai, e ogni moment jo mûr"

da "I, 20" di Ermes di Colorêt

cadavar s.m.
(ca-da-var)

Cui che o ce che nol à nuie di gnûf, di bon, di vivarôs e v.i. (fig.)

sinonimi

muart

esempi

"magari cussì no o vin il cancar di une politiche cadavar che e va cambiade"

da "Marchiori: «Nol è futûr cence intese sui temis economics»" di Roberto Pensa

monolingue