Tu âs cirût la peraule
monolengâl
torne indaûr

monolengâl

calâ v.intr.
(ca-lâ)
Deventâ plui piçul, debil, minôr, mancul numerôs e v.i.
sinonims
lâ al mancul, ridusisi, sbassâsi, scurtâsi
esemplis
"Udin duncje, l'an passât, al è calât di 535 animis"
gjavât fûr di "Murî di fam cui camarins plens" di Riedo Pup
"la religjon e je daûr a calâ, soredut de bande dai zovins"
gjavât fûr di "Sul florî" di AAVV
"cul passâ dai agns il so interès pe sessualitât al calave"
gjavât fûr di "Il cjâf dai furlans" di Franc Fari
calâ v.tr.
(ca-lâ)
Fâ deventâ plui piçul, debil, minôr, mancul numerôs e v.i.
sinonims
ridusi, sbassâ, scurtâ, staronzâ, taiâ, butâ jù
esemplis
"parcè vuelino fâ chescj Comuns? Par calâ lis gjambadoriis de burocrazie o par zontânt di altris?"
gjavât fûr di "Aghe e democrazie" di Giorgio Ferigo
"un siôr di chei che san fâ il so interès / a la massarie l'ûl calâ il salari"
gjavât fûr di "Il Strolic Furlan pal an 1828" di Pieri Çorut
calâ v.tr.
(ca-lâ)
Meti, movi o fâ lâ jù, dâ dal alt al bas e v.i. (ancje fig.)
sinonims
butâ jù, meti jù, poiâ, molâ, sbassâ
esemplis
"e inesorabil, cala una altra paca"
gjavât fûr di "La Eneide di Virgjili" di Zuan Josef Busiç
"un cont al è se la autonomie e ven calade dal alt, un altri se e ven de iniziative di un popul che al sburte e al à une cussience che dome cul autoguvier si pues lâ indevant"
gjavât fûr di "Autoguvier cuntune Regjon lizere" di Walter Tomada
calâ v.intr.
(ca-lâ)
Lâ intun puest plui bas, plui meridionâl o ancje plui dongje
sinonims
rivâ jù, vignî jù
esemplis
"la aghe e calave: e incà e inlà la tiare e rideve bielzà resuride tal soreli"
gjavât fûr di "Il cûr te tiere" di Dino Virgili
"Atile une biele dì al cale in Friûl cun dute la trupe e al scombat in Aquilee"
gjavât fûr di "Viaç a Vignesie" di Arturo Feruglio
calâ v.tr.
(ca-lâ)
[TS] (artes.) Inte gucje, ridusi il numar des maiis o sierâ une maie, ancje ass. (ancje ass.)
esemplis
" o sfidi jo, culì bisugnave calâ un pont, tu âs sbaliât di contâ"
gjavât fûr di "Il prossim" di Pieri Somede dai Marcs
detulis
"il mont al è fat a scjale: cui che al va sù e cui che al cale"
"il mont al è fat a scjale: cui cres e cui cale"
"il mont al è fat a scjale: un pôc si cres e un pôc si cale"
torne sù