SuperDizionari

campion s.m.
(cam-pi-on)

Vuerîr sielt impegnâsi in duei in rapresentance di altris o par difindi l'onôr di cdn. o plui in gjenerâl, vuerîr une vore fuart

esemplis

"Leopoldo i siei campions / in dos lineis compart cussì planc planc: / à in mieç ju bataljons / pe fantarie, e i cavalîrs al flanc"

gjavât fûr di "I, 109" di Ermes di Colorêt

"la condote "eroiche" de vuere e voleve che devant de sdrume dai soldâts si olsassin a lâ i campions che si svantavin par scunî i aversaris e ju sfidavin a singul duel"

gjavât fûr di "Il Hildebrandslied e la nassite de epiche gjermaniche" di Sandri Carrozzo

campion s.m.
(cam-pi-on)

Difensôr di une cause, di un ideâl

sinonims

difensôr, paladin, sostignidôr

esemplis

"Cercil il campion de libertât, al à molât lis sôs coloniis cuant che nol à podût tignîlis in sclavitût"

gjavât fûr di "Al è muart Cercil" di Pieri Somede dai Marcs

campion s.m.
(cam-pi-on)

Cui che al vinç un titul, un premi, un concors e v.i.

sinonims

vincidôr, vitoriôs

esemplis

"co Carnera al veve pierdût il titul di campion dal mont, nissun voleve crodi"

gjavât fûr di "Amîs come prime" di Alan Brusini

campion s.m.
(cam-pi-on)

Cui che al è une vore brâf intune ativitât o che al risalte intun setôr, intun aspiet e v.i.

esemplis

"Tite Boga, par esempli che cu la fionde al jere un campion"

gjavât fûr di "Par stradis lungjis" di Alan Brusini

"ancje so pari al jere un campion di salût, e po al mi è muart tal Forlanini"

gjavât fûr di "Prime di sere" di Carlo Sgorlon

campion s.m.
(cam-pi-on)

Model di riferiment o di rapresentance di un prodot, di une misure e v.i.

esemplis

"puartarai a la Fiere di Milan i campions [di sieradure di sigurece]"

gjavât fûr di "Il segno" di Pieri Somede dai Marcs

campion s.m.
(cam-pi-on)

[TS] (sient.) Cuantitât rapresentative di cualchi sostance di esaminâ

esemplis

"o vevin di cerçâ la tignince des pieris e prelevâ campions di tiere"

gjavât fûr di "I forescj" di Alan Brusini, Gian Paolo Linda

campion s.m.
(cam-pi-on)

[TS] (stat.) Une part di elements di un fenomen, che al baste cjapâle in esam chê par savê lis carateristichis dal fenomen

esemplis

"une base dal dut fidabile par meti adun campions tes ricercjis di marcjât e tai scandais sociologjics"

gjavât fûr di "La cundizion sociolinguistiche dal furlan" di Linda Picco

monolengâl