SuperDizionari

capele s.f.
(ca-pe-le)

Piçule costruzion cun funzion religjose

sinonims

gleseute

esemplis

"a poderin tirâ sù, no us disarai une gleseone, ma cussì… une gleseute, une capele, insome"

gjavât fûr di "Il Deu di Cjargne" di Luigi Gortani

"[il pizighet] al jere sentât tal soreli denant de capele mortuarie"

gjavât fûr di "Un macet di sanmartinis" di Pieri Menis

capele s.f.
(ca-pe-le)

Struture a cube dentri di une glesie

esemplis

"un artist di prime sfere, chel che al à piturade la capele dal Domo"

gjavât fûr di "Co l'amôr al cimie" di Costantino Smaniotto

capele s.f.
(ca-pe-le)

(ecl.) Assemblee di vescui e dignitaris de Glesie catoliche co a son funzions cun ancje il Pape

capele s.f.
(ca-pe-le)

[TS] (mus.) Orchestre o corâl di musiche sacre leâts a une cierte sede eclesiastiche

esemplis

"i vicjaris des trê Diocesis furlanis a celebraran insiemit tal Domo une Sante Messe [...] cjantade de Capele Musicâl di Sante Marie Maiôr"

gjavât fûr di "Fieste de Patrie dal Friûl: dut il programe" di Redazion La Patrie dal Friûl

capele s.f.
(ca-pe-le)

Part terminâl e di forme plui o mancul taronde

esemplis

"cualchi gusielon cu la capele"

gjavât fûr di "La aghe da pît la cleve" di Dino Virgili

capele s.f.
(ca-pe-le)

Erôr grues o compuartament fûr di lûc, soredut se nol è fat di pueste o in cussience des consecuencis

sinonims

becanele, becanot, cjantonade, erôr, fal, strambolot, svari, falope

esemplis

"il buiat al è stât un sant om, ma al à fate la sô capele ancje lui: al è stât disertôr!"

gjavât fûr di "Sant Pieri e il buiat" di Riedo Pup

"lu àn mandât in Albanie, là che al à di vê fate cualchi capele di chês grandis. Mi pâr che al è scjampât lassant il codiç diplomatic tes mans dai nemîs"

gjavât fûr di "La fabriche dai predis" di Antoni Beline

monolengâl