SuperDizionari

cele s.f.
(ce-le)

Stanziute indulà che a duarmin o si ritirin fraris o muiniis

esempi

"fra Bernart nol tornà plui te capele, ma al restà sierât te sô cele, inzenoglât da pîts dal Crist che al jere picjât dongje il so jet"

da "La Madalene" di Zuan Lurinçon

cele s.f.
(ce-le)

Stanzie dulà che si sierin i presonîrs tes presons

esempi

"al durmive intune cele cun altris cinc, al mangjave intun refetori cun centenârs di condanâts"

da "Prime di sere" di Carlo Sgorlon

cele s.f.
(ce-le)

Ognidune des nicjis esagonâls di un bôç di âfs, di un jespâr e sim.

cele s.f.
(ce-le)

Part dal cjampanili dulà che a son lis cjampanis

sinonimi

ferâl

esempi

"rifletôrs potents, no si sa dulà scuindûts, a fasin lusî la spice di ram dal cjampanili e i cuatri grancj evangjeliscj di piere blancje che a parin metûts ator de cele par custodî lis cjampanis"

da "L'ultin cordo" di Pieri Somede dai Marcs

cele s.f.
(ce-le)

[TS] (tecn.) Element che al forme une unitât autonome intun sisteme articolât, intune batarie e v.i.

sinonimi

celule

esempi

"la conversion energjetiche intune cele [fotovoltaiche] e compuarte une produzion di entropie causade dai fotons"

da "Lis celis organichis nanostruturadis" di Lorenzo Marcolini

monolingue