SuperDizionari

centrâl adi.
(cen-trâl)

Che al è tal mieç, tal centri

sinonims

di mieç, grant

esemplis

"i agns centrâi dal secul "

"il salon centrâl dal cjistiel"

"Stylicon Schäffer al veve notât un strani uficiâl tai prins bancs de navade centrâl de catedrâl gotiche di Mönchengladbach"

gjavât fûr di "Donnerwetter" di Checo Tam

centrâl adi.
(cen-trâl)

Di istituzion, ufici, aministrazion e v.i., che al à funzions di direzion e di riferiment o che al è plui grant rispiet a altris

sinonims

grant, prin, principâl

esemplis

"la sede centrâl dal sindicât"

"il guvier centrâl dal stât"

centrâl adi.
(cen-trâl)

Che al fâs di fonde, di centri, di pivot, di cûr (fig.)

sinonims

basilâr, capitâl, di prime impuartance, essenziâl, fondamentâl, primari, principâl, sostanziâl, mestri

esemplis

"fâ i conts cu la vite: ve il grop centrâl dal probleme"

gjavât fûr di "Trê feminis" di Gianni Gregoricchio

"come che a san ducj chei che a àn un tic di pratiche di gjornâi, il diretôr al è une figure centrâl e par fuarce di robis centraliste"

gjavât fûr di "Un Friûl difarent: i 90 mhz di Onde Furlane" di Max Mauro

"la Pasche, misteri centrâl de religjon e fat centrâl de storie de salvece, e cjape dentri muart e resurezion"

gjavât fûr di "Sant Jacum, là che al finìs il mont" di Antoni Beline

centrâl adi., s.f.
(cen-trâl)

[TS] (mus.) Di note, intermedie tra chês bassis e chês altis

centrâl adi., s.f.
(cen-trâl)

[TS] (fon.) Di vocâl, articolade te part centrâl de bocje

centrâl s.f.
(cen-trâl)

Sede di comant di une arme, di une aministrazion, organizazion e sim.

esemplis

"la centrâl dai vigjii dal fûc"

centrâl s.f.
(cen-trâl)

Struture di produzion, soredut di energjiis

esemplis

"dilunc la Ledre a jerin stadis progjetadis centrâls eletrichis che cumò, ancje se cun machinaris gnûfs, a funzionin ancjemò"

gjavât fûr di "Studi da la evoluzion dal paisaç mediant i toponims" di Rino Gubiani

"la centrâl di Fukushima Dai-ichi, di proprietât de Tokyo Electric Power Company (TEPCO), si cjate dongje de citât di Okuma, su la cueste nordorientâl dal Gjapon"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

centrâl s.m.
(cen-trâl)

[TS] (sport) Tal balon, un dai doi difensôrs che a zuin tal centri in difese

esemplis

"il centrâl al à za cjapât un cartelin zâl par protestis"

monolengâl