SuperDizionari

cetant adi.indef.
(ce-tant)

Che al è in grant numar, in grande cuantitât

sinonims

une vore, un grum, un mont, tant, trop, putrop, un biel pôc

esemplis

"vie pal secul XVI la Europe e je scjassade di cetantis rivoltis popolârs"

gjavât fûr di "Il Friûl de Joibe Grasse dal 1511" di Carli Pup

"a vevin infornât e disfornât cetantis mai voltis, e il materiâl al jere lât ben, e vendût"

gjavât fûr di "La tiere di Lansing" di Maria Forte

cetant adi.indef.
(ce-tant)

Che al alt è in nivel, cualitât, fuarce e v.i.

sinonims

une vore, un grum, un mont, tant, trop, putrop, un biel pôc

esemplis

"in fabriche al è cetant sunsûr"

cetant av.
(ce-tant)

In grande misure, cun grande intensitât, fuarce, volontât e v.i.

sinonims

un biel pôc, une vore, un grum, un mont, tant, trop, putrop

esemplis

"un moment di riflession suntun teritori che al è cambiât cetant tai ultins cincuante agns"

gjavât fûr di "I lûcs de tradizion in Friûl" di Erika Adami

""O ai nadât jo in vite mê", e dîs un toc di fantate, cetant biele more, che no rive a vincj agns e che e jentre te aghe"

gjavât fûr di "Storie di Vera" di Ivano Urli

"une epopee ancjemò cetant pôc studiade"

gjavât fûr di "Cuintristorie dal Nûfcent 1910-1920" di Angelo Floramo

cetant pron.indef.
(ce-tant)

Tal pl., un grant numar di personis

sinonims

tant, putrop, trop, une vore, un grum, un mont, un biel pôc

esemplis

"cetancj di lôr che a discjariavin li, almancul par cualchi ore, i lôr fastidis, tune legre fraie di amîs"

gjavât fûr di "I furlans e la ostarie" di Riedo Pup

cetant adi.int., pron.int., av.
(ce-tant)

In proposizions interogativis diretis o indiretis, par domandâ il numar, la cuantitât

sinonims

trop

esemplis

"cetantis voltis aio di tornâtal a dî?"

gjavât fûr di "Comunicâ la autonomie" di Sandri Di Suald

"cetant ti vuelie ben tô mari?"

"cetancj àno mandât la adesion ae conference?"

"al à corût sepi Diu par cetant, che il timp nol à timp, tantis voltis, o no si pues misurâlu"

gjavât fûr di "Gnot di Avost" di Meni Ucel

cetant adi.int., pron.int., av.
(ce-tant)

In corelazion cun "che", intun ciert numar, intune cierte cuantitât, misure, grandece, intensitât e v.i.

sinonims

trop, tant

esemplis

"in chei agns al jere lavôr cetant che si voleve"

"zontâ aghe cetante che e covente par disfâ dut il zucar"

monolengâl