SuperDizionari

ciment s.m.
(ci-ment)

Materiâl di costruzion fat di polvar di arzile e calcâr, cuets a alte temperadure e in câs integrâts cun altris sostancis, che si messede cun aghe e che une volte suiât al devente une vore dûr

sinonimi

ciment idraulic

esempi

"i muradôrs a jemplarin di ciment e claps; a baterin il beton par che si infissìs"

da "La aghe da pît la cleve" di Dino Virgili

"il paviment al jere di madons e no di ciment"

da "Int di borc" di Gianni Gregoricchio

ciment s.m.
(ci-ment)

Element che al ten dongje cun fuarce (fig.)

sinonimi

leam, leande

esempi

"«Frutats! Il vin al è il ciment de pâs e de amicizie!»"

da "La cjase di Toni" di Tarcisio Venuti

ciment s.m.
(ci-ment)

[TS] (ores.) Misture doprade par provâ o par purificâ metai preziôs

ciment s.m.
(ci-ment)

[BF] Prove o competizion dure

esempi

"e si inflamin i ciments, / ai vuerîrs di francje sgrafe / sberle fuart che stein atents"

da "I gjats" di Antoni Broili

monolingue