SuperDizionari

cisicâ v.tr., v.intr.
(ci-si-câ)

Dî o fevelâ sot vôs

sinonims

cibiscjâ, murmuiâ, feveluçâ, cjacaruçâ, tabaiuçâ

esemplis

"siore Anute, di pôre che si ingropàs masse, le cjapà strente tai siei braçs e i cisicà "Va contente Anzuline, e visiti che cheste cjase e reste simpri vierte par te…""

gjavât fûr di "Cjase di Dalban" di Maria Forte

"lu veve clamât fûr de machine e i veve cisicât alc che no vevi sintût"

gjavât fûr di "Altris contis di famee" di Raffaele Serafini

"lis dôs feminis e seguitin a meti a puest la blancjarie e e cisichin fra di lôr"

gjavât fûr di "In cîl e je une stele!..." di Arturo Feruglio

cisicâ v.intr.
(ci-si-câ)

Fâ un sunsûr lizêr (fig.)

sinonims

cibiscjâ, cisâ, sgrosolâ, murmuiâ

esemplis

"sgrisui di buere a cisicavin tes fueis e i olnârs dal riul si smenavin come animis in pene"

gjavât fûr di "La aghe da pît la cleve" di Dino Virgili

cisicâ v.tr., v.intr.
(ci-si-câ)

Dî o fevelâ in maniere plui o mancul platade, in gjenar disint tristeriis o contant ator robis che a varessin di restâ sot discrezion

sinonims

dî daûr, fevelâ, peteçâ

esemplis

"invezit de siarpe podestarîl, la panze di Zuanut e fo decorade de siarpe litorie. Lis lengatis a cisicavin che si tratave di un premi pe diligjence straordenarie"

gjavât fûr di "Il «comandatôr»" di Pieri Menis

monolengâl