SuperDizionari

monolengâl

cjampanili s.m.
(cjam-pa-ni-li)

Tor des cjampanis di une glesie

sinonims

tor de glesie, tor, tor dal cjampanili, toresse

esemplis

"lis cisilis a svolavin come matis ator dal cjampanili, e il soreli al gjavave fûr riflès di inceâ des gornis gnovis e des lastris dai barcons"

gjavât fûr di "Prime di sere" di Carlo Sgorlon

"difûr al svinte e al nevee: cjampanii vicins e lontans a sunin Madins"

gjavât fûr di "Gnot di Nadâl" di Pieri Somede dai Marcs

Viôt ancje: cjampanîl

cjampanili s.m.
(cjam-pa-ni-li)

Lûc là che si nas, realtât particolâr che si è un grum tacâts

sinonims

borc, braide, cjamp, gjalinâr, ort, vile

esemplis

"noaltris, dal cjampanili, o pensìn che sarès ore di finîle cu lis balis, che i deputâts de regjon a son clamâts a curâ i interès de lôr regjon e no chei di Mosche, ni chei di Rome, ni chei di Washington"

gjavât fûr di "Il strolic al pronostiche" di Josef Marchet

cjampanili s.m.
(cjam-pa-ni-li)

[TS] (sport) Tîr alt, tal zûc dal balon

esemplis

"a metât dal prin timp al stope un balon a cjampanili che al vignive jù di plui adalt de tribune"

gjavât fûr di "Lis pignatutis par Udinese - Inter" di Raffaele Serafini

cjampanili s.m.
(cjam-pa-ni-li)

[TS] (gjeogr.) Ancje maiusc., spice isolade di mont, che e va sù drete

sinonims

tor

esemplis

"il bivac si cjate a 1175 metris di altece, tal mieç dal percors naturalistic dai cjampanii dal Lander, che al partìs di Dimplan"

gjavât fûr di "Cjargne. Gnûf bivac dal Lander" di Marta Vezzi

detulis

"par scjampâ de miserie si à di lâ là che a son cjamins che a fumin e no cjampanii che a sunin"

torne sù