Hai cercato la parola
monolingue
Torna indietro

monolingue

cjar s.m.
Mieç di traspuart cun dôs o cuatri ruedis, tirât di animâi
esempi
"i vignive iniment il so cjar, cu lis ruedis di camion, fuart e lizêr, che al puartave come nuie une cjame di trente cuintâi, e i cjavai di pêl colôr modon"
da "Prime di sere" di Carlo Sgorlon
"i Bas a vevin za il cjar dai bûs, il caret vecjo e la bare, che il nono Zuantoni e un so barbe Bidin a fasevin i cjaradôrs inmò sot i Antonins, ai timps di Napoleon"
da "Il cjaruç dai Bas" di Dino Virgili
cjar s.m.
La cjame che e sta o che e pues stâ ta chel mieç di traspuart
sinonimi
scjalarade, cjarade
esempi
"culì si veve pensât di taponâ il sfueat che al è plen di ‘savis e di cudui e cause di malatiis e di disgraciis, e dome trê di lôr a àn menât un cjar di glerie parom: cussì il sfueat al è ancjemò là"
da "Lis predicjis dal muini" di Josef Marchet
"ducj chei des cjasis vicinis a jerin vignûts a judâ a scussâ panolis: doi cjarons che i bûs a vevin stentât a menâ dongje de braide gnove, la dì prime"
da "La gjate" di Pieri Menis
"a bastin doi cuintâi di cjalcine, e un mieç cjar di savalon"
da "Prime di sere" di Carlo Sgorlon
cjar s.m.
Chel mieç di traspuart, o tai timps plui resints ancje un casson tirât di un veicul a motôr, decorât par carnevâl
esempi
"lis comitivis in mascare e i cjars cu lis frascjis no si contavin, la bande e faseve furôrs in place e sul marcjât, il teatri «Macalè» al leve di un veion a di chel altri"
da "Come tai romançs" di Alan Brusini
cjar s.m.
Massime te ete classiche o in altris etis dal passât, cjar di corse o di vuere tirât pal solit di cjavai
esempi
"[tal templâr dal templi di Zeus a Olimpie] a man drete di Zeus al sta Enomau, re di Pise, pari di Ipodamie, che al acete la sfide di Pelop de corse cui cjars fin a Istmie, sigûr di vinci come chês altris voltis"
da "Viaç aes origjins dal Logos" di Adrian Cescje
cjar s.m.
Vagon di tren, massime di tren materiâl
esempi
"sierâts tun cjamp di concentrament cul mitra simpri pontât e po butâts sui cjars plombâts"
da "L'ombrenâr" di Pieri Somede dai Marcs
" o vin podût rivâ in stazion e a li o sin rivâts a pene adore di cjapâ la ultime tradote che e partive dal Friûl e di folcjâsi suntune bancje di un cjar besteam"
da "Sant Simon: 28 di Otubar 1917" di Pieri Somede dai Marcs
"Vera cul Nino e dute la compagnie taliane si sfrusignin tai cjars di un tren traspuart dal cjarbon"
da "Storie di Vera" di Ivano Urli
proverbi
"a menâ il cjar al vûl tamon"
"bisugne onzi il cjar par che al cori"
"cinc ruedis int un cjar no stan ben"
"cuant che a van i bûs tal fossâl al va ancje il cjar"
"cuant che al cjante il furmiâr, cirît sotet pes bestiis e pal cjar"
"cui che al à fen al à cjar"
"cui che al à fen al à pan e cjar"
"cui che al à mangjade la vene che al tiri ancje il cjar"
"e space plui la femine cuntun grumâl a puartâ fûr che no l'om cuntun cjar a puartâ dentri"
"il cjar al è cjâr"
"il cjar cence tamon al va tal fossâl"
"il cjar che no si onç al ciule"
"il cjar par che al cori bisugne onzilu"
"il cjar si tire daûr la scarpe"
"il mâl al ven a cjars e al va vie a oncis"
"no bisugne meti il cjar denant dai bûs"
"par che il cjar al cori, bisugne onzi lis ruedis"
"par che il cjar al ledi, bisugne onzi lis ruedis"
"Sante Catarine o sîs o siet co vigne, spietimi a Sant Tomât che o vignarai cul cjar cjamât"
Torna in Cima