SuperDizionari

clamâ dongje loc.v.

Fâ vignî dongje, soredut par fevelâ

esemplis

"une volte a chest ostîr che o feveli, che al stave dislontanantsi di lui dopo vêi dineât un cuart, lu clame dongje e i dîs: «Nadâl, viodìn se o podìn lâ dacordo. Mi crodêso a mi, vô?». «Par nuie», i rispuint Nadâl"

gjavât fûr di "Credit" di Alan Brusini

clamâ dongje loc.v.

Clamâ plui personis par che si cjatin adun, ancje e soredut in forme di riunion plui o mancul uficiâl

sinonims

clamâ a cjapitul, tirâ adun

esemplis

"i patriarcjis, ancjemò tal XI secul, a varan tacât a clamâ dongje i lôr feudataris, ogni volte che al jere par aiar alc di grues, par sintî la lôr opinion"

gjavât fûr di "Cuintristorie dal Friûl fin sot la Italie" di Josef Marchet

"o clamarin dongje une Assemble fondative a Rome ai 30 di Avost 1984"

gjavât fûr di "Memoriis di politiche linguistiche" di Adrian Cescje

clamâ dongje loc.v.

Fâ rivâ dongje plui personis, soredut par un interès, par une passion

esemplis

"la mostre "Album di Famiglia. Fotografia in Friuli 1850-1950", che e à clamât dongje passe 6 mil visitadôrs"

gjavât fûr di "30 agns di famee e societât furlanis intune mostre fotografiche a Udin" di Piero Cargnelutti

monolengâl